بتحب السفر والمغامرات ..؟؟ السفر متعة وله أغراض كتير وسواء كنت هتسافر سياحة أو شغل أو حتى دراسة، فا في كم نقطة لازم تكون مرتبها قبل سفرك، وعشان ضغط الوقت قبل السفر، جمعنا لك أهم مواقع هتفيدك في ترتيبك للسفر ..
مواقع مفيدة لمحبي السفر
![مواقع-إلكترونية-تساعدك-في-اختيار-وجهات-السفر](https://netarabi.com/wp-content/uploads/2023/10/مواقع-إلكترونية-تساعدك-في-اختيار-وجهات-السفر-1024x576.jpg)
تعرف إنك تقدر تسافر براحتك في أي مكان في العالم من غير ما تحتاج ترتب مع شركات سياحية، في المقالة دي جمعنالك أكبر مجموعة من المواقع المفيدة اللى هتفيدك جداً في ترتيب السفر قبل ما تسافر ..
موقع TripAdvisor.co
الموقع ده يعتبر كنز لأي حد بيحب السفر لأنه هيكون مرشدك السياحي في أي بلد هتكون فيها، بيوفرلك معلومات كافية عن كل المزارات السياحية الموجودة في البلد وآراء الناس عليها هل تستحق الزيارة ولا مضيعة للوقت.
ده غير إنه بيعرفك على أفضل الفنادق والمطاعم الموجودة بالمدينة، وفوق كل ده هو متوفر بأكثر من لغة ” عربية – إنجليزية – ألمانية – فرنسية ” وغيرها ومتاح منه تطبيق على الموبايلات، ومؤخراً الموقع بقى يتيح إمكانية الحجز مباشرة منه، ودي تعتبر نقطة قوية جداً.
موقع Booking.com
واحد من أشهر المواقع المتخصصة في حجز الفنادق على مستوى العالم، يضم قاعدة معلومات وبيانات عن الفنادق والمنتجات السياحية وفقاً للأسعار وعدد النجوم، ده غير إنه بيوفر للمستخدم تجربة استخدام سهلة وسلسلة ومن خلاله بيقدر يعرف آراء الناس عن مستوى الخدمة، متوفر تطبيق للموقع عشان يسهل الحجز والاختيار للمسافرين.
– موقع Airbnb.com
![](https://netarabi.com/wp-content/uploads/2023/10/الطيران-في-تركيا-1024x683.jpg)
لو إنت مش من محبي الفنادق وبتحب تغامر بتجربة استئجار عقار في البلد اللى هتزورها، الموقع ده عشانك، لأنك من خلاله هتقدر تستأجر أي عقار في أي دولة هتسافرها.
من خلال الموقع هتحددله مدة الإقامة وعدد الأفراد والميزانية المتاحة ومدة الوصول وبعدها وهيقترح عليك مجموعة من الوحدات المناسبة ليك، والجميل في الموضوع إن كل الوحدات مجهزة بكافة المتطلبات اللازمة للإقامة.
موقع Expedia.com
وده يعتبر واحد من أفضل المواقع العالمية لحجز تذاكر الطيران بين كل دول العالم، وطريقة استخدامة سهلة وبسيطة من خلال الموقع أو التطبيق الخاص به تقدر تحدد الدولة اللي هتسافر لها ومعاد السفر والرجوع وبمنتهى السهولة هيوفرلك كل الرحلات المتاحة فى التوقيت ده مصنفة وفقاً للسعر.
ده غير إن من خلال الموقع ده تقدر تحجز عربية للتنقلات في المدينة، ومؤخراً أضافوا خدمة حجز فنادق بردوا، يعني يعتبر موقع كامل ومتكامل، أنصحك تجربه.
![](https://netarabi.com/wp-content/uploads/2023/10/a8fffd50-3186-4058-b49a-332b3aad4780-1024x571.webp)
– موقع SkyScanner.com
الموقع ده يعتبر هدية لعشاق السفر الإقتصادي، لأنك من خلاله هتقدر توصل لأرخص تذاكر طيران متاحة للدولة اللى هتزورها، وكمان مقارنات بين أسعار الفنادق وسيارات للإنتقالات عشان تقدر تختار منها الأنسب لمينت زانيتك، يعني هتسافر ومن غير ما تتكلف كتير.
لو جربت في سفرك موقع من المواقع الموجودة أو موقع تاني تقدر تشاركنا تجربتك، خلال صفحتنا على السوشيال ميديا..