من أيام تم اطلاق iPhone 15 و اللي عشاقه تسابقوا عشان يحجزوه رغم سعره، في الـ Blog دا هنعرف ايه Features iPhone 15 و هل فعلاً في تطور ملحوظ و يستحق السعر و لالا ؟

الموبايل أطلق بإسم The titanium iPhone 15 Pro 

شركة Apple اعتبرته أقوى iPhone تم تصنيعه على الإطلاق، الموبايل اتعمل بتصميم جديد من التيتانيوم المستخدم في صناعة الطائرات يعني أخف طراز أتعمل، ووصفوا معدنة بإنه” وزنة خفيف لدرجة تكفي إنه يطلع الفضاء و متين لدرجة تكفي العودة من الفضاء للأرض ” 

مميزاتiPhone 15

من أهم المميزات اللي بدأوا بيها الـ Launching انهم اهتموا جداً يرفعوا من Performance الـ iPhone 15 Pro من الـ A17 Pro chip، مع وحدة معالجة رسومات جديدة سداسية النواة ومحرك عصبي أسرع.

الموبايل USB – C Connector و سرعة الشحن Super fast.  

الـ Action Button بقي دلوقتي متعدد الاستخدامات و بقي Customized action button عشان يكون أسهل و أسرع انك توصل للـ Feature اللي تحددها من ما تبدأ أول تشغل الكاميرا لحد Shortcut activation.

أما بالنسبة للكاميرا فوصفوها بوجود سبع عدسات احترافية جاهزة للقطة،يتراوح الطول البؤري من 13 ملم في الكاميرا في Ultra Wide lenses.

إلى 120 ملم في الكاميرا المقربة 5x الجديدة على ايفون 15 برو ماكس. 

الكاميرا بلنس كبيرة  – huge telephoto lens 

و الجامد بقى إنها 48-megapixel في الكاميرا الرئيسية يعني بتحقق super-high resolution للصور.

وكمان دلوقتي تقدر تعمل الصورة Portrait بعد التصوير 

ولو جينا في جزء تصوير الفيديو وصناعة الأفلام هنلاقي إن هتقدر دلوقتي تسجيل مباشرة على محرك أقراص خارجي – external drive و كمان iPhone 15 Pro فيه إمكانية التصوير بدقة ProRes 4K بمعدل 60 Frame في الثانية.

اه،  نسيت أقولك إن iPhone 15 , iPhone 15 Plus متوفر بخمس ألوان و iPhone 15 Pro , iPhone 15 Pro Max متوفر بأربع ألوان 

iPhone 15 Pro هو موبايل فعلا ذكي و متميز جداً بيقدم الأفضل من كل الجوانب: معالج قوي، ونظام كاميرا متعدد الاستخدامات، وتصميم متين. 

من رأي دا الموبايل المثالي و لكنة هيفيد فئة محدودة زي البلوجرز و الإنفلوسرز اللاعبين والمصورين والمخرجين السينمائيين. 

بعد كل اللي قولناه قدرت تحدد السعر فعلاً اللي هو بيترواح بين 799$ الي 1199$ مناسب مع الإمكانيات و الـ Value اللي بيقدمة ولالا Overrated ؟ 

ازاي ريدبول قدرت تنافس الشركات الكبيرة زي كوكاكولا وبيبسي ونزلت بمنتج الناس عمرها ماسمعت عنه ولا عمرها شافته وكمان تبيعه بخمس او ست اضعاف سعر المنافس وتبقي ملهمة لكل رجال الاعمال بسبب تفكيرهم اللي عدي بمنتجهم فعلا وبقت قصتهم بتدرس في كتب التسويق وريادة الاعمال. هل الكذب مبرر للتسويق ؟

تفكير برة الصندوق

في تمانينات القرن ال فات، أول ما دخل ريدبول السوق في لندن. كان تفكيرهم في البداية انهم يستخدموا الأساليب التقليدية في التسويق زي الجرايد والمجلات والراديو والتليفزيون.. إلا ان فريق التسويق كان عنده بعد نظر وكان عنده رأي مختلف انهم يجربوا حاجة جديدة محدش عملها ولا متوقع ان حد يعملها عشان من خلالها يقدروا يقنعوا الناس انهم يجربوا المنتج الجديد دا لأن دايما الطبيعة البشرية بيحبوا يعرفوا ايه اللي بيعمله غيره فلو حصل ان مجموعة من الناس بدأت تشرب مشروب معين دا هيثير الفضول في الناس التانية انهم يجربوهه طالما عددهم كبير.

اي اللي ممكن يحصلك لو وانت ماشي في الشارع في يوم ولقيت ان كل ركن مليان بعلب فاضية لمنتج معين طبعا دا هيثير فضولك وهيخلي عندك رغبة انك عايز تجرب المنتج دا أو انك تناقش الموضوع مع صحابك . دا اللي حصل في لندن وقتها فريق التسويق عمل حملة ضخمة في كل مناطق العاصمة في لندن اللي بيتجمع فيها الشباب لإن بالنسبالهم هي افضل فئة مستهلكة لمشروب الطاقة ريدبول.

وقتها استهدفت خطة التسويق الاماكن القريبة من ال Night clubs والجامعات وأماكن الشغل… وملوا كل ركن فيها بعلب فاضية من الريدبول ومش بس كدا دول عملوا عينات مجانية للناس اللي بتشتغل في ال Night clubs وخاصة اللي شغالين علي ال دي جي لانهم طول الحفلة الشباب باصينلهم وبيرقصوا فطبيعي ان يكون عندهم فضول هي الناس دي بتشرب اي وتاني يوم لقوا كميات كبيرة من العلب الفاضية في النفايات ومن هنا حققوا هدفهم وبدأ الناس يشتروا المنتج ويجربوه وخاصة الشباب وابتدت النوادي الليلة تعتمده من بعد عدد النفايات اللي لاقوها.

وبعد وقت كبير جدا من الخدعة التسويقية دي ريدبول وصلت مبيعاته في انجلترا 3 مليار دولار في السنوات الاخيرة والكتير بينقل قصة نجاح ريدبول علي انها عبقرية تسويق بالرغم من انه تصرف خبيث من وجهة نظري لانه اعتمد علي الكذب.

المبدأ اللي قامت عليه ريدبول !

ريدبول قامت علي مبدا الكذب والخداع لانها قالت ان الناس كلها تستعمل منتجي فعلا – ودي كانت الرسالة اللي عايزين ينقلوها للناس، ونجحوا فيها، لكن هيفضل  السؤال بقى،  هي فعلا رسالة صادقة؟

في الوقت دا لا. لان لما براند كبيرة تكذب في شئ ايه ال هيمنعها انها تكذب في حاجات كتير بعد كدا ؟ لنفترض ان دا امر طبيعي وكتير من البراندات الكبيرة والمشهورة بتعمل كدا.

تخيل انك صحيت يوم لقيت ان كل شوارع مدينتك فيها عبوات فاضية من مشروب معين وانا ولا كلمتك عن فوايده ولا حتي اضراره انه بيسبب مشاكل في القلب او ادمان وكمان قلتلك ان في اطباء بتنصح بيه ؟ هل الكذب في الحالة دي مقبول؟

وفي النهاية,  الكذب عمره ما كان مبرر للتسويق حتي لو كلهم بيكدبوا حتي لو شركة كبيرة ومشهورة خدعت جمهورها وكذبت عليهم عشان تقنعهم بمنتجها لان دايما الكذب عواقبه سيئة. في 2009 هيئة الحفاظ علي البيئة في لندن فرضت علي ريدبول غرامة وصلت ل نص مليون دولار بسبب فشل ريدبول في انها تجمع وتعيد تدوير بقايا منتجها في الشوارع لمدة سنوات كتيرة.

لو أنت في Store و قررت تشتري منتجات أنت محتاجها أول حاجة بتلفت نظرك للمنتج و تقرر تشوفة حتي لو مش هتشرية في الأخر هو الـ ” Packaging –  التغليف “أو التعبئة.

في دراسة أكدت إن أكثر من 70% بياخدوا قرار الشراء من الــ First sight يعني خلال انطباعهم الأول عن شكل و الوان و Design غلاف  المنتج حتي لو كان قرار انه يشتري المنتج دا مش أولوية. 

إية اللي يثبت ان ممكن مستهلك يشتري المنتج من شكل الغلاف.

لو العلامة التجارية هي هوية المنتج اللي الناس بتعرفة بيها فخليني أقولك إن التغليف هو أول حاجة عينك بتشوفها لما بتبدأ تتعرف علي المنتج و هي اللي بتثبت في ذاكرتك لو نسيت اسم الـ Brand وقررت تدور علية مرة تانية يعني خلينا نقول إنه الغلاف ممكن يحركك تجاه المنتج أو يبعدك عنه وهو كمان اللي بيوصلك لمرحلة إنك تعرف المنتج حتي لو مش مكتوب علية إسم الشركة.

يعني مثلا خدت وقت قد إية عشان تتعرف علي المنتج دا ؟ 

المنافسة كبيرة وشرسة والبقاء للأقوى٬ كل شركة بتحاول تخلق صوره  للمنتج في ذهن العميل لأنها بتأثر علي الانتباه والتركيز على تفاصيل والشعور بالعلامة التجارية و بتساعد المستهلك على انه يفتكر المنتج و يخلق معه ذكريات كمان و بيزود من الوعي عندهم بالعلامة التجارية وبالتالي بينتج عن كل دا إن التغليف بيخلق تسويق صامت للمنتج. 

إزاي تغليف المنتج بيساعد خطة التسويق؟

علم وفن الـ Packaging مش بس مقتصر علي حفظ المنتج من أي إهلاك و أغراض النقل و التخزين و عرض معلومات عنه ولكنة كمان عليه عامل كبير في خطط التسويق لأي شركة بتصنع المنتجات أو بتوزعها و بتوصلة للفئة المستهدفة حسب ذوقهم و ثقافتهم و سلوكهم الشرائي و كمان بيكمل بناء العلامة التجارية و بيشارك في قوتها و الـ Market Positioning الخاص بيها. 

أهم الـ Brands اللي قدرت تحقق معادلة الـ Packaging

دي براند معجنات أسمها Bangkok Foodie رسالتها هو كربوهيدرات صحية ومش بتزود الوزن٬ انتشرت عبوة المخبوزات دي في تايوان و gone viral  وكانت trend في دول كتير لفترة لأنها و كأنها عضلات بطن حقيقية. 

Burger King 

التصميم هنا اعتمد على اتجاه متأثر بالسبعينات و برجر كينج استخدمه  تحية من القلب لتراثها ٬تغليفها بيشعرك بالبساطة والارتقاء٬ المصمم إستخدم الألوان الدافئة عشان تحس براحة.

أية رأيك في تغليف شاشة LCD لحمايتها ؟

الحقيقة إن دي مش شاشة المنتج دا عجلة بس البراند حبت توصل رسالة إنها إلكترونيك و سمارت. 

هنسيبك إنت المره دي تحلل تغليف المنتج و الرسالة منة !  

عمرك تخيلت انك تعيش في عالم غير العالم اللي احنا عايشين فيه وتعمل فيه كل اللي انت عاوزه من غير ماتكون موجود بجسمك الميتا فيرس تقدر تخليك تعمل  كل دا تقدر من خلالها تدخل عوالم تانية غير اللي احنا فيه وكمان تتواصل مع اشخاص تانيين وتعمل شوبينج وحفلات وتزور اماكن كتير وقارات او حتي تسافر للفضاء. تفكر هنقدر في المستقبل نستغني عن التعاملات البشرية ؟

الميتافيرس (Metaverse)

ظهرت الميتافيرس في البداية في سنة 1992 في رواية الخيال العلمي (snow crush)  ووصفت الرواية الشخصيات انها بتتعامل مع بعضها عن طريق عالم افتراضي غير العالم الي بنعيش فيه ودا بالظبط اللي بتقوم عليه الميتا فيرس وتعتبر هي الشركة الام لــفيسبوك وانستجرام و واتساب ويعتبر مارك وكربيرج هو المؤسس والرئيس التنفيذي للشركة.

عشان تفهم الميتافيرس اكتر تخيل ان الانترنت الموجود دلوقتي في منه نسخة  3D وان بدل ما انت ماسك الموبايل وبتتفرج في اللي جواه في الميتافيرس هتكون انت جوة الموبايل عن طريق فكرة الهولوجرام هيكون عندك الافاتار الخاص بيك لابس اي لبس انت تفضله وبيتعامل بطريقتك او باي طريقة انت تفضلها وكمان بتروح اي مكان عايز تروحه وانت قاعد في بيتك .

مين بيدعم الميتافيرس؟

تنافس و وجود قوي علي الميتافيرس

شركة Microsoft صرفت 70 ميار دولار علي صفقة وتعتبر اكبر صفقة لشركة ميكروسوفت علي الاطلاق وهتسمح للشركة بتطوير الالعاب والبرامج المدعومة منها ضمن ميتافيرس في السنوات الجاية.

شركة Meta (فيسبوك سابقا) في نوفمبر 2021 مارك غير اسم موقع فيسبوك ل ميتا واستثمر اكتر من 10 مليار دولار عشان يطور كل الاجهزة والبرامج اللي هيتم استخدامها للاستثمار في AR.

شركة Google علي الرغم من فشلها في 2014  بسبب نظارات الواقع المعزز الفاشلة الا انها استثمرت 39,5 مليون دولار في صندوق الاسهم لجميع مشاريع ميتافيرس.

تفتكر الميتافيرس هتوصل لفين؟

موقع (انلايتكس انسايت) عمل احصائية بيقول انه من المتوقع ان عدد مستخدمين الميتافيرس ممكن يوصل ل 1,4 مليار شخص بحلول 2030. رغم ان الميتافيرس في حالة ثبات في معدل استخدام الاشخاص ليها الا ان اللي بيستخدموها في الولايات المتحدة بس تقريبا 400 مليون شخص في اواخر 2022.

عدد مستخدمين الميتافيرس في المستقبل هيزيد بشكل ملحوظ وخاصة بعد دخول شركة ابل مجال الصناعة واصدار نضارات متخصصة بدمج الواقع الافتراضي بالواقع الفعلي واللي الهدف الاساسي منها تحسين تجربة الدخول للميتافيرس.

في النهاية

خليني اقولك ان الانترنت هيتطور بشكل كبير وهيكون اقوي بكتير من السنين اللي فاتت, وان التطور اللي بيحصل دا  ممكن فعلا يخلينا نستغني عن التعاملات البشرية وعلي حسب تصريحات مارك زكربيرج ان الميتافيرس هتحل محل الانترنت التقليدي اللي بنستخدمه دلوقتي خلال ال 10 سنين الجايين.