جربت تقرأ في عالم الجن قبل كدا؟

اسوء ما يمكن ان يحدث لشخص أنه يدخل في عالم السحر والشعوذة ويقرا ويتعمق فيها وهو مش عارف ايه اللي ممكن يجراله من ورا التدوير في الحاجات اللي زي كدا…

وهنا بنتكلم عن كتاب “شمس المعارف” المعروف بأنه الكتاب الأكثر خطراً

مجرد ما بتشوف أو تسمع إسم الكتاب ده بتجيلك قبضة في قلبك حتي لو مش من اهتماماتك..

أسرار وراء كتابة “شمس المعارف”

خليني احكيلك الموضوع ابتدا ازاي…بعد الطوفان اللي حصل في عهد سيدنا نوح وبداية العهد الثاني للبشرية ظهرت حضارات جديدة مختلفة أحد عصورها الذهبية حكمها شخص قوي جدا كان اسمه ” النمرود ” واللي اتقال عنه أنه قابل “إبليس” نفسه وبسبب كده، بدأت ممارسة السحر الحقيقي في حضارتهم لدرجة أنهم وصلوا من طغيانهم أن الجن كان بيمشي بجانب البشر في المدينة!! بس للآسف القصة موقفتش لحد هنا…

ولما دخل الإسلام اتحرقت كل الكتب اللي كانت بتتكلم عن السحر والشعوذة لحد ما ظهر في يوم كتاب عجيب حتي من إسمه وهو “شمس المعارف” المنسوب إلي العالم الجزائري الصوفي “أحمد بن علي البوني”…

طيب قبل منتكلم عن محتوي الكتاب..هل البوني فعلًا هو اللي كتبه؟!

المعروف ان الكُتب نوعين، النوع الأول يعتبر مصدرًا موثوقًا للمعلومات، بتتاخد من مصادر أصلية أو عن طريق شهود عاشوا الأحداث الفعلية. أما النوع الثاني، من خيال المؤلف نفسه، و”شمس المعارف” بيصنف انه من النوع الأول…ويقال ان مؤلفه يا إمَّا وسيط ما بين عالم البشر والجان فقدروا ينقلوله كل المعلومات دي يا إمَّا بقى هو بيدور بشكل غير عادي عشان يجمع قصص ووثائق من كل الحضارات ويحطها في كتاب واحد!!!

محتوي شمس المعارف…

الكتاب ظهر منه ثلاثة نسخ، الأولى هي نسخة البوني الأصلية التي ظهرت في القرن الثالث عشر، وكانت تحتوي على أربعة أقسام فقط:

• جميع التعاويذ وأنواعها من قديم الزمان ولحد دلوقتي بهياكلها وطلاسمها.
• علوم الأرقام ومُماثلتها من الحروف وتشكيل الأوزان ولكل كلمة تُساوي كام حرف واستخداماتها في حاجات كتير زي التنجيم طبعًا.
• الحروف المُعجمة وهي الحروف العربية اللي بيكثر فيها النقاط بشكل غريب، وطبعًا شرح كامل لأسماء الله الحُسنى وتعبيرات تانية من الصوفية.
• المخطوطات والأشكال اللي بيتم التعبير عنها بـصور منفرة للعين وكمان كلمات مرعبة.

طبعًا الكتاب ده اتحرق من قبل العلماء المسلمين و الرهبان… لأن ناس كتير أوي أتأذت منه ومن قوته المهولة ف التحضير وعشان كده السحرة كانوا بيحاربوا عشان يوصلوله  وارتفع سعره لأرقام فلكية وللآسف نجح شوية منهم في الاحتفاظ بنسخ من الكتاب وده هيدخلنا على النُسخة الثانية…

بعد ما مروقت طويل قدر عالم صوفي تاني إسمه “عبد القادر الحُسيني” أنه يجمع وريقات كتاب شمس المعارف المتناثرة ويحطها تاني في كتاب مُوحد مش بس كده ده قدر يقسم الفصول ويضيف عليها عشان يوصل عددها لـ ما يُقارب الثلاثين فصل ومنهم فصل خاص كامل للطلاسم وكيفية استخدامها وطبعًا بعد وقت تم منعه تمامًا ومنع شرائه وبحسب الروايات تم جمع كل النُسخ وأخذهم.

النُسخة الثالثة ودي اللي على النت وهي نُسخ مُحرفة تمامًا ومتوافرة على النت بكثرة بسبب أنهم يخلوا الناس تقرأ ويعلوا المواقع بتاعتهم .

في النهاية، شمس المعارف كتاب خطر جداً  بل هو الأخطر على الإطلاق وفيه سحرة لسه معاهم شوية تعاويذ من الكتاب، وكتاب شمس المعارف مستحيل يكون البوني عنده كل العلم ده بكل الطلاسم والطقوس دي وخصوصاً كونه شخص مُتعبد…

تفتكر فعلاً الجن ساهموا في كتابه شمس المعارف؟! 

اسم الباحثة المصرية الشابة ريم حامد تصدر مواقع البحث والتواصل الاجتماعي بعد إعلان وفاتها في فرنسا في ظروف غامضة لحد دلوقتي..

الحادثة أثارت اهتمام الناس بعد ما كانت ريم نشرت على صفحتها في فيسبوك قبل وفاتها بفترة قصيرة، وكتبت إنها تعرضت لتهديدات ومضايقات وتجسس من أشخاص ما ذكرتش أسمائهم، لكنها أكدت إنهم من جهة عملها..

وفاة الباحثة المصرية أثارت جدلاً كبيرًا على منصات التواصل الاجتماعي، خصوصًا بعدما زعمت على فيسبوك أنها تعرضت للتهديد والخطر في فرنسا.

بداية الحكاية 

حكاية ريم حامد بدأت من حوالي شهرين..

 لما لاحظت إن فيه حد بيراقبها في شغلها وخارجه، كمان كانت تلاقي تحت غرفتها بخور فيه مواد مخدرة..

 ريم كتبت عن ده في استغاثة غير مباشرة، لكن البوستات اتشالت بعد وفاتها.

أصدقاء ريم حامد متأكدين إنها اترمت من نافذة مسكنها عمدًا وماتت على طول..

ووجهوا أصابع الاتهام لنفس الجهة اللي اغتالت سميرة موسى..

، وقبلها سببت في وفاة عالمة الجينوم المصرية الدكتورة سميرة عزت، 

والآن جاء الدور على باحثة الجينوم ريم حامد..

تصريحات ريم حامد

الباحثة، ريم حامد، طالبة دكتوراه في فرنسا، نشرت بلاغًا على صفحتها على فيسبوك للجهات الأمنية في مصر، قالت فيه: 

“أنا ريم حامد، طالبة دكتوراه في فرنسا، أحتاج للتبليغ للجهات المعنية في مصر.. 

أنا تحت المراقبة و أجهزتي مخترقة، وفوق كل هذا، يتم ضغطي حاليًا للصمت وعدم التبليغ..

 للعمل تحت الظروف وبالتالي أكون قد تورطت معهم في جريمتهم بالقبول أفعالهم من التجسس واستخدام التوجيهات السياسية.. 

داخل محيط العمل وسكن الجامعة للتجسس عليا أيضا…”

مراقبة ريم حامد!

 وقالت عن مراقبتها:

“أنا رافضة أشتغل في الظروف دي، أنا تحت ضغط ومراقبة، ومؤخراً بيتم تهديدي بحياتي… 

والمحرك للموضوع ده هو رئيس الوحدة اللي بشتغل فيها..

 ده غير التلاعب بالمواصلات لحد ما يخلصوا اللي بيعملوه في البيت، أو ياخدوا شوية صور لي ويطلعوا يبلغوا بلاغات فاضية زيهم..

 مجموعة من البشر الفاسدين اللي بيحركوا مؤسسات تانية بفسادهم عشان يغطوا على اللي بيعملوه، وحقيقتهم إنهم بيتجسسوا بوضوح على الطلاب العرب المصريين المسلمين هنا لأهدافهم الخاصة، وما خفي كان أعظم… دا والا…”.

“أنا حالياً ساكنة في Les Ulis، ومن أول ما أنزل يتم مراقبتي بمجرد خروجي من بيتي، من الطلبة داخل سكن الجامعة Bosquest لحد المكان اللي بروح له..

 حتى لو قررت أطلب Uber مش هستخدم المواصلات العامة..

 وهكذا بيتم مراقبتي 24 ساعة سواء من أفراد محددة أو متفرقة..

وفوق كل ده، حتى مكان الأكل الحلال اللي بتردد عليه بيتم التلاعب فيه في الأكل في The Crepuscule Les Ulis..

 للأسف البلد دي تقريباً من غير بوليس نزيه، لأنني اتجهت أكثر من مرة ورفضوا استقبالني.”

ريم حامد والعنصرية 

قالت الباحثة ريم حامد عن العنصرية:

“أنا ك ريم موجودة هنا بتمارس عليا أسوأ أنواع العنصرية والقمع الممنهج بشكل شخصي دخول لمحيط صحابي وعلاقتي… 

ولما اضغط بتقال انتى مضغوطة وعندك مشكلة ما ده اسمه ايه غير قمع ممنهج لتدمير حياه حد ما انت الأسوأ أنه شخص ما صاحب نفوذ أخطأ وعاوز يغطي علي جريمته او جرائم حقيقة..

 ده الواقع اللي الواحد عايشه حقيقه والواحد لو أتكلم الناس هتصعق من اللي بيمر فيه بس ده الحقيقه بالأدلة ولسه يا يما هنشوف…. طبعا البيئه اللي زي ديه مقترحات حلولها كله ضدك…

بدل ما توقف قمع وتعاملك عادي زي اي شخص بعدل وتاخد حقوقك بدون ای interference لا عوزين حلول نعذبك فيها بس وانت بعيد عننا وبروبجندا بقى بشكل ممنهج بس غبي برضه ) ويرجعوا يقولوا عليك انك صعب الواحد أقل كلمة يقولها إنه مسروق منه حياته حقيقة…. 

وبرضه الإصرار على الاذى والشر لا حصر له والاستمرار البحث….. طب سلام لا مافيش سلام علشان هو شيطان لا يفهم في حلول البشر العادله ولا يفهم سلام ولا عنده ضمير ولا عنده إنسانیة أصلا…..

 المره الجايه ننزل اسمك إن شاء الله لأني زهقت وقرفت حقيقة..”.

للأسف توفيت الباحثة ريم حامد ومحدش يعرف الحقيقة فين !!

هل هو نفس السيناريو اللي حصل مع سميرة موسي و سميرة عزت ؟

العمالقة هو اسم أطلقه العرب على قبائل البدو في بادية الشام والعراق الأقدمين، ,وبيعتقد أن العموريين وعلى الهكسوس و الملوك الرعاة إخواتهم..

 والمجموعات البدوية دي هي انتشرت في بادية العراق والشام ومدن فينيقيا وكنعان وبعرها..

واللي اتبقي من البدو القدماء دول “العموريين” وكمان العمالقة والنبط اللي اندمجوا مع العرب و استعربوا بعد الميلاد تدرجياً وبقوا عربًا.

بداية العمالقة

العمالقة كانوا من مجموعة العموريين،  اتقال عنهم أنهم بدو رحل واتسموا اسم “الكنعانيين الشرقين” حيث كانوا بيتكلموا نفس اللغة مع وجود فرق باللهجة بين العموريين والكنعانيين ولغتهم هي كمان قريبة من اللغة العربية..

واستخدم العموريين في مملكة بابل و مملكة آشور اللغة الأكادية كلغة رسمية..

 واتقال أنهم كانوا منهم ملك مصر اللي عاصر  سيدنا النبي يوسف..

 واتقال انهم كانوا في الجزيرة العربية..

 من أقدم الأمم التي سكنت الجزيرة العربية، و عاصروا الأنبياء وتفرقوا في البلاد وحكموا بلدان كثيرة: اليمن، نجد، البحرين، عمان، مصر، فلسطين، سوريا، الحجاز، العراق..

 قبائل العماليق تتميز بالطول والجسامة..

بعض المؤرخين الحديثين بيشوف أن سكان الجزيرة العربية كانوا حتى عام 1600 قبل الهجرة ضخاماً..

بقي لهم أحفاد بعد كدا وعرفوا بهذا الاسم، و بس ماكنوش عندهم القدر دا من الطول ..

 كانوا بيسكنوا الجزيرة العربية وبعدين مشيا وسكنوا مع الأحفاد الآخرين لنوح في منطقة الرافدين ثم خرجوا مع مجموعات أخرى، وتكاثر أحفاد نوح حتى زاحم بعضهم بعضاً خرجوا من العراق..


السبب الرئيسي للعملقة هو ارتفاع مستويات هرمون النمو الذي تنتجه الغدة النخامية في الدماغ..

 في أغلب الأحيان، تكون هذه المستويات المرتفعة ناجمة عن ورم حميد..

أحد الأسباب وراء عدم احتمال رؤية شخص آخر بطول وادلو مرة أخرى هو أن الأطباء يمكنهم الآن إزالة الورم واستخدام الأدوية لوقف النمو..

وطبعًا العملقة والورم يعرضان صحة الشخص للخطر..

الفراعنة عمالقة !!

بعد ما تم التفتيش في القبور من الخبراء أكدوا وشافوا أن العـظام الغامضة عمرها بيرجع لـ 1400 – 1500 ع.. 

وأشاروا إلى أن الأبحاث مازالت في البداية ..

ولذلك بيفضل المبكر الخروج باستنتاجات محددة، وخاصة وجود احتمال وجود هذا الاكتشاف تفسيرا عند المختصين في مجالي الطب أو علم الأجناس البشرية.

و بيرجع الاكتشافات الأولي في المنطقة القـايا العـظام البشــرية العملاقة إلى عام 2013، و تم العثـور على بـقايا مشابهة قرب مدينة كوينكا في الإكوادور..

وقتها اندهش وخاف رئيس بعثة التنقيب عن الآثار راسيل ديمينتا إلى المكان لمعاينة جمجمة و قفص صدري شكلهم غريب و ظهروا على سطح الأرض بفعل سيول غزيرة تعرضت لها المنطقة.

وبعد إجراء فحوصات، توصل الخبراء إلى استنتاج مفاده أن هذه البقايا البشرية تعود لامرأة عاشت قبل نحو 600 عام..

 وتبين بعد العثور لاحقا على بقايا الهيكل العظــمي أن السيدة كان طولها 223.5 سنتيمتر!..

اظن كدا الصورة وضحت ان بناء الأهرامات بالأحجار الضخمة اللي كانت ممكن تصل لوزن طن كامل كان منطقي انها تتبني علي ايد العمالقة.. انت بقي شايف السيناريو ازاي ؟

الرماديون هما نوع من المخلوقات الأسطورية العاقلة غير البشر..

يرجع سبب تسميتهم بالاسم دا إلى لون بشرتهم الرمادي..

وهو لون مش بيستمر، و بيتحول إلى لون تاني .. يعني مثلا بيميل لونهم إلى الأصفر لما بيحسوا بالجوع..

والرماديين كائنات مابتحسش بمميزات كتير بيتميز بيها البشر عنهم..منها المشاعر الشخصية.. والإحساس بالغير..

 وهما كائنات عاقلة كالبشر بالظبط.. بس مش بشر..

 الرماديين ليهم فصائل مختلفة.. منها الفضائي الذي يفضل العيش فوق في الفضاء.. ومنها الجوف أرضي اللي بيفضل يعيش تحت سطح الأرض..

سكان جوف الأرض

“فيليب شنايدر” عالم جوف الأرض قال في واحد من أهم مؤتمراته اللي اتعرضت على القنوات الفضائية:

كانت مهنته مع الحكومة الأمريكية هي العمل على مشروع توسيع قاعدة “دولسي السرية” بالحفر تحت الأرض على عمق ميلين ونصف في المستوى السابع ..

وبعد كدا هيتم تفجيرها للحصول على منطقة فارغة واسعة ، وكانت مهمة فيليب هي معاينة نوع الصخور ودا لاختيار نوع التفجيرات الملائمة لها..

 ووقتها وهما بيحفروا جوا الأرض ظهر ليهم مغارات من الكهوف المنحوتة قبل كدا بطرق هندسية ولقوا شبكات من الأنفاق محفورة قبل كدا وفيها بعض الأجهزة الغريبة..

 وبعد كدا لاحظوا وجود الكائنات اللي اتعرفت بعدها بـ ” الرماديين Alien Greys”..

واتضرب النار على اثنين منهم، واشتبكوا معاهم وهما كانوا حوالي 30 فرد بس، ونزلوا ليهم 40 فرد كامتداد ليهم مع بداية المعركة..

 وللأسف كلهم اتقتلوا في المعارك و اتفاجئوا الرماديين بيهم جدا زي  ما البشر اتفاجئوا بالظبط ..

عددهم كان حوالي 69 شخص وللأسف مانجيش منهم إلا 3 أشخاص بس، والغريب انه مامتش من الكائنات دي إلا أربعة بس..

 كانت أسلحتهم غريبة جدا..

وما قدرش الرصاص العادي بتاع البشر يوصل ليهم ولجسمهم كأن كان فيه درع يحميهم أو حاجة بتوقفها ..

ياتري كان جهاز حماية متطور ؟؟ .. ولا كان ايه؟ .. لحد دلوقتي اللغز مجهول..

صرح فيليب وقال ” أعتقد أنهم كانوا جاهزين ومستعدين لمواقف زي دي..”

وقال : في جميع الأحوال فاحنا وصلنا ل قاعدة فضائية كاملة متوافقة مع وقت الحفر موجودة تحت الأرض ..

وعرف فيليب بعد كدا وأدرك انه لهم قواعد كتير جدًا في مختلف أنحاء مختلفة من المعمورة..

بعد كل تصريحات فيليب دي .. الولايات المتحدة بنفسها حاربت ضد الكائنات دي عام 1979 وشارك فيليب في الحرب دي بس بعد كدا وقع بينهم..

 اتفاقية بين أمريكا والرماديين، واسمها “معاهدة جريادا” عام 1954م..

معاهدة جريادا

المعاهدة كانت بتنص على : أنه بإمكان بشر سكان جوف الكرة الأرضية استعارة الكمية اللي هما محتاجينها من الأبقار والحيوانات لإجراء عملية زرع أجهزة عليها أولاً..

وبعد كدا تقوم بإجراء عملية  الزرع على بعض البشر وبيقوموا بتنقيتهم بشرط تزويد الحكومة بشكل مستمر بأسماء الأشخاص اللي بتتم عمليات الزرع عليهم و بيحتاجوا كل عقدين أو اكتر إلى جينات بشرية لإعادة الإنتاج والتكاثر..

الرماديون تتكاثر ؟؟

الطريقة الوحيدة لتكاثر الرماديون هي ” الاستنساخ ” ودا  للحفاظ على نوعهم من عدم الانقراض..

ولكن في حالة تكرار عملية الاستنساخ كتير فالحمض النووي بيبدأ في الانهيار..

ودا بيضطرهم  لدمج فروع جديدة من الحمض النووي وإيجاد مصادر خارجية من الحمض النووي للحفاظ على جنسهم من الفناء وعشان كدا بيضطر الرماديون ل خطف لإجراء التجارب على أنظمتهم الإنجابية والتناسلية..

وأحياناً بيلجأوا لخطف الإناث لزرع جنين فيها من أجل إنتاج سلالة جديدة من الرماديين لهم القدرة على الإنجاب،

و بيتغذى الرماديون بطريقة معينة تتمثل في امتصاص المواد المغذية عن طريق الجلد و بتفرز الفضلات أيضاً من خلال الجلد.

وفي الأكل بيحتاجوا لتركيزات عالية من الأغشية المخاطية والمواد الغذائية السائلة أو الإنزيمات ودا هو السبب الوحيد ورا حوادث القتل والتشويه اللي حصلت للماشية..

وبالمقابل تستفيد الولايات المتحدة بتزويدهم بأسرار كثير من التقنيات واللي معظمها يوظف لأغراض عسكرية ومنها تكنولوجيا الأطباق الطائرة نفسها ونوعية محركاتها..

اتفاقيات بين البشر والرماديين !!

للعلم ماكنتش دي أول المعاهدات والتعاون بين الرماديين والبشر..

حصلت قبل كدا من قِبل الحكومة النازية بقيادة “هتلر” و اللي قام بالفعل بتأسيس برنامج كامل وصَنع مركبات الأطباق الطائرة..

و  مع مرور الوقت بدأ سكان جوف الأرض من الرماديين يخالفون الأعداد المنصوص عليها ضمن الاتفاقية ..

وبعد كدا توقفوا تماماً عن تسليم أسماء البشر اللي بيتم إجراء التجارب عليهم ودا  يعني خرق بنود المعاهدة اللي اعتبرته الولايات المتحدة إعلانَ حرب عليها..

وختم فيليب شهادته وقال: إن التقنيات اللي اتاخدت من الرماديين تم استخدامها في وسائل تكنولوجية عسكرية متطورة زي الطائرة أورورا وبعض طائرات مركز وكالة داربا..

 للأبحاث المتطورة وغيرها قد طورت من قبل امريكا ودا بالتعاون مع سكان جوف الأرض

وهي شبه في تقنية الأطباق الطائرة وكتير من الأسرار العلمية الخاصة بأبحاث الزمن والسفر من خلال الفضاء زي اللي بيتم الحصول عليها في مراكز زي معجل سيرن

و زي ما حصل من بحوث في المنطقة 51 وأحياناً بإشراف تلك الكائنات

، ودي كانت اخر شهادة لشنايدر اللي بعدها تم اغتياله من جهات مجهولة بعد الحوار بتاعه لمجلة سكاي بوقت قصير.

تفتكر ايه اللي حصل لـفيليب شنايدر وايه كانت نهايته ؟؟ 

على مر الزمان والإنسان مفتون بالتنانين..

ودا بسبب ان مفيش بين كل المخلوقات العظيمة، لا في الخيال ولا في الواقع الملموس كائن يتقارن بأفعى طائرة ضخمة لها أسنان حادة تطلع نار من بوقها؛ فهو زي ما وصفه البعض وحش الوحوش..

وأكثر الكائنات الأسطورية قوة..والوهم الأكثر عالميّة الذي عرفته البشرية.

فمن تنين البحيرة الصيني الخيِّر الحكيم.. إلى التنين الأوروبي الشرير الآكل للفتيات، كلها كائنات مُلهمة ومخيفة ..

طلعتها أساطير الثقافات العالمية.

بتتشاف بطرق كثيرة مختلفة، وإن كانت متشابهة في نفس الوقت، عبر العصور وفي كل مكان في العالم تقريبًا..

 فإن المرء يستطيع اعتبار التنانين ظاهرة ثقافية عالمية في أوروبا، التنانين زواحف شريرة مريعة نافثة للنيران، وهي ضخمة و شبيهة بالسحالي، لها ألسِنة متفرعة كشوكة الطعام وأجنحة كأجنحة الخفافيش.

أما في ثقافات المكسيك وأمريكا الجنوبية القديمة، فكان في الاعتقاد أنه في وجود أفعى إلهية لها ريش، معروفة بأسماء متعددة، تقوم بتجديد العالم بعد كل دورة من دورات الدمار.

التنانين على حسب الأساطير

• الأساطير الإغريقية: يرجع أول ذكر للتنين في الحضارة الأغريقية إلى الإلياذة، و وصف أجاممنون بأن له تنينا أزرقًا على حزام سيفه ورمز تنين ذا ثلاث رؤوس على الدرع الذي يلبسه على الصدر, ودراغون معناها في اللغة الأغريقية “ذلك الذي يرى”، أو “ذلك الذي يومض”
  
  وفي سنة 217 م، ناقش فيلو ستراتوس ( Philostratus ) التنين في الهند في “حياة أبولونيوس من تيانا” (Apollonius of Tyana)، في ترجمة مكتبة لوب الكلاسيكية ذكر بأن “كانت الأنياب، من جميع النواحي، أشبه بأنياب الخنازير الكبيرة، ولكنها أنحل وملتوية ومسننة مثل أسنان سمك القرش”

• الأساطير الأوربية: تنين أوروبي والقديس جرجس والتنين يوجد ذكر التنانين في قصص التراث الشعبي والأساطير الأوربية، وهي متداخلة بين الثقافات في أوروبا, ومع أن للتنانين أجنحة، إلا أنها تكون عموما مختبئة في كهوف تحت الأرض، مما يجعلها كائنا قديما لعنصر الأرض.

• الأساطير الصينية: تنين صيني وبرج التنين  والتنانين الصينية والشرقية تعرف تتشكل على شكل الإنسان، وعادة ما تكون خيرة، في حين أن التنانين الأوروبية تكون عادة حاقدة وإن كان هناك بعض الاستثناءات (تنين ويلز الأحمر هو أحد تلك الاستثناءات), وتوجد بعض التنانين الشرقية الحاقدة كما في الأساطير الفارسية، والروسية مثلا. وللتنين شعبية خاصة في الصين، فالتنين اللي عنره المخالب الخمسة كان رمزا لأباطرة الصين مع طائر الفينيق رمزا للامبراطورة الصينية. وأزياء التنين التي يرتديها ويحركها اغلب الناس هي أمر منتشر في المهرجانات الصينية.

• الأساطير اليابانية: تنين ياباني تدمج أساطير التنانين اليابانية الأساطير المحلية مع القصص المستوردة من الصين، وكوريا والهند. ومثل التنانين الآسيوية الأخرى، فإن التنانين اليابانية هي آلهة المياه المرتبطة بهطول الأمطار والمسطحات المائية، وتوصف عادة بأنها مخلوقات أفعوانية كبيرة، بدون أجنحة، ذات أقدام بمخالب, وقد كتب غولد (1896:248) ، أن التنين الياباني “يمتلك ثلاثة مخالب”.

رأي العلم في التنين

العلم بيوصف التنين أن جسمه شبه إلى حد كبير سحلية ضخمة، أو ثعبانًا له زوجين من أرجل السحالي و بيخرج النار من بقه، بس لحد دلوقتي مافيش دليل من علم الآثار يدعم وجود كائنات عملاقة من جنس الزواحف تنفخ نار من بدء وجود الإنسان على هذه الأرض، أما بالنسبة لآخر الزواحف العملاقة أو الديناصورات فهي انقرضت من 64 مليون سنة بعد أن هيمنت على كوكب الأرض.

 بشكل عام كدا الأساطير بتيجي من الحقيقة بس بيتم المبالغة في الأوصاف وطبعًا مع رواية القصص الخيالية عنها، فالموضوع بيختلف بس أصله كان حقيقة ..

وبيقول بعض الناس أن أصل التنين في القصص يرجع إلى نوع من الزواحف التي تعيش في أحراش جزر إندونيسيا و بيطلق عليها تنين كومودو واتسمى كدا بسبب ضخامته وطوله ولاحظ وجود شبه بينه وبين التنانين الأسطورية وربما أيضاً كان لوجوده أو لزواحف أخرى غير مكتشفة دور في نشأة أسطورة أصلاً.

أما بالنسبة للتنين الأوروبي فعنده أجنحة الخفافيش على ظهره بدون أرجل أمامية، وبعد اكتشاف كيف كانت التيروصورات (زاحف مجنح منقرض) تمشي على الأرض فصورت بعض التنانين بدون أرجل الأمامية مع وجود الاجنحة بدلا عنها.

رأي العرب في التنين 

 ورد فى لسان العرب : 

“التِّنِّينُ ضرْب من الحيّات من أَعظمها كأَكبر ما يكون منها، وربما بعث الله عز وجل سحابةً فاحتملته، وذلك فيما يقال، والله أَعلم، أَن دوابّ البحر يشكونه إلى الله فيرْفَعُه عنها؛ قال أَبو منصور: وأَخبرنى شيخ من ثِقاتِ الغُزاة أَنه كان نازلاً على سِيف بَحْرِ الشام، فنظر هو وجماعة أَهل العَسْكر إلى سحابةٍ انقَسَمت فى البحر ثم ارتفعت، ونظرنا إلى ذَنَبِ التِّنِّين يَضطرب فى هَيْدب السحابةَ، وهَبَّت بها الريحُ ونحن نَنظر إليها إلى أَن غابت السحابةُ عن أَبصارِنا. وجاء فى بعض الأَخبار: أَن السحابة تحمل التِّنّين إلى بلاد يَأْجوج ومَأْجوج فتَطرحه فيها، وأَنهم يجتمعون على لحمِه فيأْكلونه”.

بعد ما انت قرأت كل الأراء في التنانين دي ورأي العلم كمان.. ياترى بقى مصدق ان التنانين فعلاً كانت موجودة ولا دي مجرد حكاوي وأساطير خرافية ملهاش وجود؟؟

كائن الدلفين الطيب يعتبر واحد من  أنواع الحيتان ذات الأسنان الصغيرة، وله حوالي اكتر من 40 نوع مختلف منهم 6 أنواع منها الحيتان القاتلة أو حيتان الطيّار..

 الدلافين بشكل عام لا تصنف من الأسماك على الرغم من إنها تعيش في أغلب الوقت في المياه، ولكنها تُعتبر من أصناف الثدييات المحيطية ودا لأنها بتطلع على سطح الماية عشان تتنفس، هي أيضا من ذوات الدم الحار وتقدر تفضل فوق درجة حرارة معينة عشان تفضل على قيد الحياة، على عكس معظم المخلوقات اللي بتعيش تحت الأمواج..

معلومات صادمة عن الدُلفين!

الدلفين كائن اجتماعي جدًا ميعرفش يعيش لوحده أبدًا.. 

 بيعيش في مجموعات تسمى القرون.. ومعروف كمان انهم بيحبوا يتواصلوا مع بعضهم باستخدام مجموعة متنوعة من الأصوات في شكل نقرات أو صفارات.. 

والدلافين مش بس اجتماعية مع بعضها.. 

لأ دا كمان اجتماعية مع البشر جدًا جدًا.. ممكن انها تتفاعل وتلعب وتصطاد كمان مع أي حد..

ودا الجانب المشرق والمُبهج من الدولفين.. 

لو انت بقى فاكر ان الدولفين طيب فللأسف أحب أقولك إنت اللي طيب.. 

الدلافين أكثر الحيوانات ذكاءً في العالم كله!!

الدُلفين مُتحرش!

مين اللي كان يتخيل أن السباحة مع الدلافين خطيرة؟!

من المعروف ان الدلافين صديقة الانسان، ولكن صداقة الحيوان المائي دا ممكن تخوفك شوية لأنها ظهرت أنها بتحب “الاحتكاك الجنسي” بالأشخاص أو الأشياء المحيطة بها.

على شاطئ “بريتاني” في قرية “لانديفينيك”، كانت تصرفات الدلفين اللي لقب باسم “زافار”، مُلفتة وسيئة جداً لقربه من السباحين بشكل غريب ومُبالغ فيه..

ونتيجة لذلك، أعلن رئيس بلدية لانديفينيك، روجر لارس، قراراً في 20 أغسطس/ آب، قرار بيمنع فيه الناس من السباحة أو الاقتراب من الدولفين مسافة لا تقل عن 40 متراً، قبل أن يتم السماح لهم بالسباحة مجدداً ودا بعد أن انتقل الدلفين إلى مكان آخر في الساحل.

وطبعًا القرار دا لحماية الأشخاص من التعرض لأي أذى من الدلفين، إذ أوضح لارس لـ “أويست فرانس” أن العديد من السباحين قد شعروا بالخوف الشديد باقترابه منهم بشكل مُلفت وغريب..

 وأكد القانون هناك بشكل مُباشر على أن الدولفين مصدر للتهديد.

الدُلفين قاتل! 

كشفت بعض الدراسات أن الدُلفين المُسالم واللطيف جدًا..  هو في الحقيقة عدواني فوق الوصف.. 

خصوصًا في مرحلة التزاوج..

والعدوان دا بيبقى مؤذي جدًا من الذكر تجاه شريكته الأنثى..

العدوان بيشمل الضرب بالذيل، والعض، وهز الرأس، والمهاجمة، وارتطام جسد الذكر بجسد الأنثى، دا حتى اذكر ان عنف ذكور الدلافين بيصل إلى إجبار الدلافين الصغيرة على الانتحار..

و تم اكتشاف أكتر من 37 دولفين من الدلافين منتحرة على شواطيء فرجينيا خلال عامي 1996 و1997..

 وعلى الرغم من أنه يبدو ظاهرياً كويس مافيش أي دلائل أو علامات تدل على أن هذه الدلافين تعرضت لأى سوء.. 

لكن تشريح الدلافين النافقة والتي كان أغلبها من الدلافين صغيرة السن، كشف عن وجود أدلة على تعرضها لصدمات مباشرة شديدة..

أعلن التشريح أن أغلب إصابات الدلافين كانت في الرأس والصدر، من “كسور مضاعفة في الأضلاع، وجروح رئوية، وكدمات ظاهرة في الأنسجة”،.

وكان هناك أدلة كثيرة على أن الدلافين البالغة هي المسؤولة عن انتحار هذا العدد من الدلافين الصغيرة.

وعلى ما يبدو ان ضرب صغار الدلافين يعتبر نوع من التسلية بالنسبة للدلافين البالغة..

بس هي في الحقيقة بتكون طريقة يتبعها ذكور الدلافين البالغة لضرب الدلافين حديثة الولادة حتى الموت، ودا لإجبار أمهاتها على العودة إلى الممارسة الجنسية والتفرغ للذكور بس !!!

الدُلفين مُتعاطي!

تم تصوير عدد من الدلافين و هى بتتعاطى المخدرات ودا عن طريق إمتصاص السم الموجود بسمكة النفاخ..

 هو مابيقتلهاش ولكن يخدرها قليلًا بل و بيمرروا السمك بينهم.

وتم تصوير الدلافين وهى تقوم بالعديد من السلوكيات الغريبة الأخرى، كصنع فقاعات فى الماء واللعب بها فقط من أجل اللهو.

قولي بقى ياترى بعد ما عرفت كل المعلومات دي عن الدُلفين.. ممكن تخوض تجربة انك تسبح معاه ولا هتخاف؟ 

 عارف ان في سر عظيم في الكون اسمه “قانون الجذب” تقدر من خلاله تحقق أحلامك وهو عن طريق انك لما بتتوقع حاجة سواء بتقولها بشكل مباشر أو مقتنع بيها من جواك ان هي هتحصل .. 

فبنسبة 90% بتتحقق بجد.. ودا لأنك بتبعت إشارات من عقلك الباطل للكون.. 

والكون بالفعل بيستجيب.. 

دا مش كُفر ولا إلحاد دا مذكور في كذا حضارة ولكن علماء الإسلام فسروه بشكل آخر وقالوا :

 “البلاء موكل بالمنطق” ، “خذوا أقداركم من أفواهكم”, 

وأقوال العلماء تصديق لقول الله تعالىٰ في الحديث القدسي.. 

“أنا عند ظن عبدي بي، إن ظن خيرًا فلهُ؛ وإن ظن شرًا فلهُ”

و فيه مقولة مشهورة أوي للإمام علي بن أبي طالب وهي “كل متوقعٍ آت.. فتوقع ما تتمنى”.. 

ودا معناه انك تحاول تستخدم أسلوب قانون الجذب في الناحية الإيجابية يعني تستخدمه عشان تصدق فاللي انت عايز تحققه..

ولو استخدمت قانون الجذب في الناحية السلبية للأسف هتتحقق.. 

زي اللي اتوقع أو كان دايمًا خايف يموت بشكل معين ومات بيه فعلا 

عندك مثلًا الفنان الشاب “هيثم أحمد زكي” .. دايمًا كان خايف يموت لوحده في البيت وكان بيقول كدا في لقاءات كتير.. وللأسف مات بنفس الطريقة اللي كان خايف بيها.. 

ومش بس هيثم أحمد زكي..  كمان عندنا الفنان الكبير “إسماعيل يس”.. 

اللي غنى في أحد أفلامه “صاحبة العصمة – 1956” مونولوج كامل اسمه “الفقر جميل”.. واللي كان بيقول فيه بشكل صريح “اللهم افقرني كمان” وكررها.. 

وللأسف قانون الجذب اشتغل مع الفنان بشكل سلبي جدًا وفعلًا مات “أبو ضحكة جنان” فقير مديون مش قادر حتى يصرف على نفسه.. متخيل!!

 متخيل انت ازاي بجد ممكن تستخدم قانون الجذب وانت مش واخد بالك !! 

لازم تستخدم قانون الجذب في الحاجة الإيجابية

المعنى الحقيقي لـ “قانون الجذب” هو أن الواقع اللي بترصده..

بكل تفاصيله و تكوينه الروحي والنفسي والمادي، وبكل ما فيه من أحداث وأشخاص وكائنات، يتناسب مع طبيعة تكوينك انت روحياً ونفسياً وكمان جسدياً.. ومع معتقداتك وسلوكياتك وقيمتك وتصرفاتك.. 

ودا يعني وجود تغيير كبير في الواقع الخارجي لأنه بيبدأ من المجال الداخلي للكينونة..

مش من الواقع الخارجي نفسه.. فلو كنت حاسس مثلاً أن واقعك الخارجي مافيهوش فرص، فدا يعتبر انعكاس لإحساسك باليأس الداخلي و الحسرة على اللي فات.. 

نصايح لاستخدام قانون الجذب

وهنا هنقولك شوية نصايح هتفيدك عشان قانون الجذب يشتغل معاك بشكل إيجابي: 

• التحكم في قوة العقل لحد ما تقدر تحقق اللي بتفكر فيه.
• تخيل اللي انت عاوزه يحصل.
• خلي عندك يقين من قلبك حقيقي ان تقدر تحقق اللي انت عاوزه.
• أهم حاجة انك تسعى عشان تحقق هدفك.
•  أتدرب كل يوم انك تنفذ كل اللي قلناه ده عشان تجذب قانون الجذب ليك
  
  

فلو انت عاوز تغير واقعك الخارجي وتلاقي الفرص الكونية فلازم تغير نفسك،.

و تغير نفسك دي مش متوقفة انك تسافر برا البلد وان هو دا يبقى قانون الجذب قانون الجذب!!! 

لأ دا الموضوع أوسع من كده بكتيييير .. 

دا له علاقة بمصير الذات الأبدي عبر العالمين. 

وأرجع وأقولك برده ده لا كُفر ولا إلحاد.. دا موجود في الإسلام أيضاً، لأن الله يصر على أن تؤمن أنه قادر على كل شيء..

وبالتالي لو مش هتلاقي اللي يسعدك جوال فالمشكلة فيك أنت،. دور  جواك هتلاقيها في مكان ما..  

معقول لسه ماسمعتش عن “العشاء الأخير” !! الحدث اللي قلب العالم كله الفترة الأخيرة.. 

تعالى نفهم كل حاجة من الأول خالص..

ايه هو العشاء الأخير؟

العشاء الأخير هي لوحة للفنان العالمي “ليوناردو دافنشي” ما بين عام 1495 و 1498 لـ دير الدومينيكان سانتا ماريا ديلي جراتسي في ميلانو..

 حاول فيها “دافنشي” أنه يصور المشهد الدرامي للحظات مترابطة في الإنجيل بين يسوع وتلاميذه.. ودي القصة الشائعة في الديانة اليهودية والمسيحية.

أما بالنسبة للديانة الإسلامية فالقرآن ماذكرش العشاء الأخير ولكن مذكور تفاصيل ليها علاقة بسيدنا عيسى في سورة المائدة.

بمعنى أصح ان العشاء الأخير شئ مقدس في كل الأديان السماوية و واجب احترامه..

• طب ايه اللي حصل خلى العالم كله يتقلب رأساً على عقب في قصة “العشاء الأخير” ؟

خلوني احكيلكم على أكتر حاجة مُخزية حصلت على مدار السنين الأخيرة.. 

إعادة تجسيد العشاء الأخير بشكل مقزز.. 

سعوا كل القائمين على افتتاح أولمبياد باريس 2024 على تمثيل العشاء الرباني لترويج لفكر الانحرافات الجنسية بكل أنواعها وأشكالها وده عن طريق عابرين جنسيًا لابسين ملابس الشذوذ والتحول الجنسي دا غير البيدوفيليين.. 

كأنهم كانوا قاصدين يعرضوا كل النماذج اللي بتتحدى الطبيعة اللي خلقها ربنا -سبحانه وتعالي- ..

طبعاً الدنيا قامت مقعدتش.. العالم كله اتقلب مش فرنسا بس .. ودا بسبب الجرأة المفرطة في التعدي الأديان السماوية.. 

متخيلين ان دا بيحصل في أكبر حدث رياضي في العالم!!! 

و اعتذر منظمين دورة الألعاب الأولمبية في باريس لأي شخص حس بالإهانة من العرض الفني الذي عرض لوحة “العشاء الأخير” في حفل الافتتاح.. 

ووضح المدير الفني للحفل وقال إن الهدف منه هو الاحتفال بالتنوع، والإشادة بالولائم وفن الطهي الفرنسي!!!!

ولو دخلت على اليوتيوب على الــ Official channel بتاعت الألعاب الأولمبية وجيت تشغل فيديو حفل افتتاح أولمبياد باريس لعام 2024.. هتظهر Message بتوضح ان الفيديو اتمسح ..

على الرغم من ان كل حفلات الافتتاح لدورات السنين اللي فاتت كلها موجودة!!

أقل واجب والله بعد اللي حصل دا…. 

تقليل من شأن الأديان .. ومش بس كده.. 

 دي إهانة للإنسانية..  

 زبالة تاريخية بكل ما يحمله المعنى..

والحقيقة أنه تاريخ فرنسا كبير في تقليل من أهمية الأديان..

مش عاوزين ننسى ان هي اللي روجت ونشرت رسومات لــلارش فيلكس المُسيئة للرسول اللي كان في الأصل دنماركي وفرنسا ساندته ووقفت جنبه وطلعت رسوماته للنور.. 

ومش بس كدا.. دا كمان دافعت عنها و قالت انها حرية للتعبير عن الرأي..

 رغم أنها اتحذرت كتير من الموضوع دا ..

وفضل الرسام دا محمي منهم لفترة طويلة مع أن الهجوم عليه كان كبير ومش بس من المسلمين المسيحيين كمان رفضوا الإساءة وعملوا اعتصام امام الكنائس ورفعوا شعار إلا رسول الله…

تفتكر نهاية الرسام كانت ايه في وسط الحماية الهائلة دي؟!

محرووق أيوة زي ما بقولك كدا حادثة عادية جدا ادت إلي وفاته محروق … جثة هامدة مشوهه!!!

طب السؤال النهاردة .. 

اتعودت؟

نهاية العالم!

ولو فكرت كويس هتلاقي ان اعادة تجسيد لوحة العشاء الأخير مش أول ولا اخر حاجة هتحصل في إهانة الأديان.. 

لأ دا مخطط من زمان معمول بشكل مدروس لتشويه الديانات ..

وياتري اللي عملوا اعادة تجسيد لوحة العشاء الأخير هيبقي مصيرهم ايه؟

 هل هيبقي مصيرهم زي مصير لارش فيلكس؟؟