الرئيسية بلوق الصفحة 12

” عقل المدينة” مشروع صيني يحاكي العقل البشري بتقنيات الذكاء الإصطناعي

0

حباً في مبدأ ” الأول ” الصين تقرر السيطرة على العالم بمشروع ” عقل المدينة ” أول مشروع صيني يحاكي العقل البشري لمراقبة أكثر من مليار شخص، تفتكروا إيه الحكاية ؟؟ 

السيطرة على العالم 

عقل الصين

سنة 2016 الصين أعلنت بشكل رسمي هدفها في قيادة العالم في مجال الذكاء الاصطناعي، وكمان قالوا إنهم حددوا فريق متميز من علماء ومطورين صينين تحت إشراف حكومي لتحقيق هدفهم .. 

بعد فترة من إعلانهم اتكلموا عن مشروعهم اللي هيكون بمثابة دماغ صناعي يحاكي العقل البشري وآلية العين البشرية هدفه مراقبة الوضع والنظام في شوارع المدينة الواسعة والمدن الصغيرة .. ولكن ؟! 

مشروع “عقل المدينة “

في سباق مدن العالم في التفوق التكنولوجي الصين دخلت جون في العالم وقررت تخلد اسمها كأول دول العالم في إنتاج مشروع مستلهم من آلية عمل العين والعقل البشري، 

منظومة تقنية عبارة عن مجموعة من أجهزة الكمبيوتر تستخدم الذكاء الاصطناعي في عمليات مراقبة النظام الحاكم في الصين للشعب، وفقاً لكلام المطورين إن الدماغ الجديدة هتكون مجهزة بقدرات المراقبة والمعالجة البصرية المصممة بنفس آلية العين البشرية. 

غير إنهم اشتغلوا على إنه يكون موفر في استهلاك الطاقة عشان يقدر يستوعب كم الانتشار اللي بيخططوا ليه في جمع ومعالجة مليارات المعلومات الخاصة من حركة المرور والوجوه البشرية والأصوات وكل حاجة بتم في الدولة. 

قنبلة ذرية معلوماتية 

قنبلة ذرية معلوماتية

في تصريح للعالم الصيني تشو سونغ تشون، إن الذكاء الصناعي هو القنبلة الذرية للعالم والحديث، وإن اللعبة بين الولايات المتحدة والصين ستحسم مين هيقود العالم في مجال الذكاء الاصطناعي 

تفتكروا الصين ناوية تسيطر على العالم كله مش بس مدنها وشوارعها الصغيرة؟؟ 

ازاي تخلي العميل هو اللي يسوق للمنتج بتاعك؟!

0

تخيل انك تشتغل على حملة تسويقية يكون كل هدفها “Brand Awareness”…

بس العملا هما اللي ينجحوا الحملة ويخلوها من أقوي الحملات التسويقية الي عملتها من فترة طويلة. 

كوكاكولا في أستراليا

سنة 2011 وتحديداً في أستراليا شركة كوكاكولا بدأت كامبين بعنوان “Share a Coke” 

الحملة دي كان كل هدفها انها تعمل Emotional Connection بين العملا، طب عملوا ده ازاي؟

خلوا مكان اللوجو بتاعم أسامي الناس…وساعتها الناس بدأت فعلا تـ share الكوكاكولا مع بعض

نتائج حملة استراليا كانت 71% زيادة فى الاستهلاك من الشباب

دا غير ان المبيعات زادت 3%

وده اللي خلي أمريكا تسخدم نفس الفكرة في إعلاناتها وفضلت تنشرها حوالين العالم كله..ا

فكرة بسيطة نتائجها تصدمك!

سنة 2014 شركة كوكاكولا طبقت نفس الحملة بس في مصر بقي

الفكرة بتاعت الحملة كانت إنهم بيشجعوا الناس يشاركوا اللحظات الحلوة مع أصحابهم وأحبابهم ويعملوا ذكريات مع كوكاكولا…

بس اللي حصل ان الحملة التسويقية نجحت نجاح جبار ونتائجها كانت مبهرة…

– حجم المبيعات زادت 2% لأول مرة من عشرات السنين.

– نزلت 500 الف صورة عن طريق هاشتاج ShareaCoke#.

– اتباعت 6 مليون عبوة.

– صفحة الشركة في الفيسبوك كسبت 25 مليون Followers.

الفكرة للحملة كانت بسيطة لكنها ربطت العميل بشيء بسيط (مجرد اسم) وده اللي ساعدهم في نشر الحملة بشكل غير متوقع!!

الخلاصة أنك لو ركزت علي عميلك أكتر مانت مركز علي المنتج وإزاي تبيعه…صدقني هتنبهر من النتايج!

لو عايز العميل هو اللي يسوقلك المنتج هتعمل ايه؟

مزاجك مرتبط بوجباتك.. حارب اكتئابك بأكل صحي

0

حاسس بإكتئاب ومودك مش متظبط ؟ في حاجات كتير بتكون سبب في انك تحس بالاكتئاب زي الاسباب الوراثية او الظروف اللي بتعيشها والبيئة اللي حواليك لكن في دراسات بتقول ان اكلك ليه دور كبير في احساسك بالاكتئاب. الاكل الغير صحي بيسبب انخفاض في مستويات السيروتونين وهو هرمون مهم جدا له دور كبير في التحكم بــالمود و المزاج. تفتكر تقدر تغير مودك بمجرد تغيير اكلك؟

7 اكلات صحية هتساعدك تحسن مودك:

١. الاسماك الدهنية

الاسماك الدهنية زي التونة والسلمون والسردين دول مصدر مهم جدا للاوميجا 3 وهتساعدك في تحسين مزاجك وتقلل من التوتر والاكتئاب من المعروف عن الاوميجا 3 انها كمان بتقلل خطر الاصابة بخطر امراض القلب.

٢- الشيكولاتة الداكنة

الشوكولاتة الداكنة بنسبة 70% او مكن ازيد لكن مش اقل من كدا لانها بتكون غنية ب (flavonoids) الي بيساعد في توصيل الدم بسرعة للمخ  وبتساهم في افراز مادة السيروتينين والاندفين اللي بيساعدو علي الشعور بالسعادة بس حاول متزودش منها لان سعراتها عالية.

٣- العسل

العسل بيحتوي علي التروبتوفان للي بيساعد علي افراز اسيروتونين في الدماغ .نقدر نستخدم العسل كنوع من انواع التحلية بدل السكر للشاي او الزبادي لانه مصدر طبيعي وصحي للسكريات

٤- الموز

الموز لانه غني بقيتامبن B12 اللي بيساهم في افراز الدوبامين والسيروتونين و من فوائد الموز انه يحتوي علي البوتاسيوم اللى بيساعد في تنظيم مستويات السكر في الدم بالاضافة لحمض التربتوفان اللي ممكن يتحول ل حمض السيروتينين المعروف بهرمون السعادة المسؤول عن تحسين المزاج ونظام النوم.

٥- القهوة

القهوة وا بقا اهم عنصر لان مفيش حد بيختلف علي حبها ومن فوايدها بتزود الدم اللي بيوصل للمخ فبيفوقنا ويخلينا في مود تاني خالص بسبب مادة الكافيين الموجودة فيها بالاضافة انها بتزود من مستوي هرمون الدوبامين وبتقلل من الأدينوزين واثبتت الدراسات ان شرب 4 فناجين قهوة يوميا كانوا اقل عرضة للإصابة بالإكتئاب.

٦- الفول والعدس

الفول والعدس لانهم مصدر غني بالبروتين واللى بدوره بيساعد في بناء خلايا الدماغ و نقص البروتين بيسبب مشاكل في الجهاز العصبي، و بيأثر على الحالة المزاجية. بالاضافة انه غني بفيتامين B اللي بيساعد في تحسين مستوي الدوبامين والسيروتونين.

٧- مشتقات الألبان

الاكلات الغنية بفيتامين D بيساعد في تحسين الجهاز المناعي وبيحارب العدوى وبيمد الجسم بالكالسيوم والفسفور و ممكن نلاقيه في البيض ومشتقات الالبان ومش بس كده انت ممكن كمان لو بتتعرض لاشعة الشمس بشكل منتظم.

في النهاية

خليني اقولك انك عشان تخرج من دايرة الاكتئاب وتحسن مودك لازم تفهم جسمك وتغير طريقة اكلك واعرف ان اكل صحي = مزاج كويس /  اكل غير صحي = مود وحش بالاضافة انك لازم تنام كويس 8 ساعات في اليوم لكن لو استمر الاكتئاب و حسيت باعراض خطيرة انصحك تستشير دكتور عشان يقيم حالتك ويقدملك علاج مناسب .

كيف بدأ القميص الابيض 

0

لو إفترضنا دلوقتي إن في دولاب يخلو من القميص الأبيض فالإفتراض دا من المستحيلات، رغم بساطة النوع دا من الموضه الا إن بيعطي شعور بالأناقة والتميز وهيستمر في كونة الأهم و الأجمل الي مالا نهاية و دي الحقيقة اللي جعلته أهم قطعة في عالم الفاشون.

تاريخ الشميز الابيض : 

من بداية العقد الـ 19 و يعتبر القميص الأبيض أهم قطعة في دولاب كل بنت و اللي مفيش غني عنه في أي مناسبة سواء كانت مناسبة مهمة محتاجة Formal أو حتي كاجوال، بيثبت نفسة في كل موسم بعد التاني. 

لبسة كتير من نساء الحكام و الدول و أشهر الممثلين و العارضات.

 أول ما بدأ كان أصله في الأزياء الرجالي الرسمي و قدر الرجل يستخدمة في أكثر من Style وبمرور الوقت دخل في عالم أزياء النساء في أوائل القرن العشرين و من وقتها ولا غني عنه، و قدر انه يتكيف و يتحول حسب المناسبة سواء كان كلاسيك، أوفر سايز، سوارية و دلوقتي قدر يدخل في الاستايل الغير رسمي ( الكاجوال )

تخيل لو تقدر تسافر مجاناً

0

تعرف إنك تقدر تسافر لمدة 6 شهور مجاناً لأي مكان في العالم  ومن غير ما تدفع ولا دولار واحد … ؟؟ 

ده بالظبط اللي قررته منظمة wwoof لو عايز تعرف إزاي كمل الموضوع للأخر .. 

السفر لأي مكان في العالم 

لو إنت من عشاق السفر وبتحب تتعرف على الثقافات المختلفة والسفر بالنسبة لك أكثر من مجرد متعة،  عايز أقولك منظمة wwoof عبارة عن تجمع لأصحاب المزارع العالمية بيقدموا فرص سفر لأي شخص من كل دول العالم وتوفر لهم الأكل والشرب وكل احتياجاتهم بشكل مجاني بالكامل .. 

ولكن بشرط …. !! 

إنك تساعدهم في أعمال الزراعة وإدارة المزرعة وكل الأمور المتعلقة بها، وعمرك أكثر من 18 سنة ليتم قبولك ، أما بالنسبة لعدد ساعات شغلك هتكون ما بين 3 لـ 6 ساعات في اليوم يعنى قدامك أكتر من نص اليوم تقدر تتفسح فيه في البلد وتتعرف عليها أكتر ..

إزاي تسافر بالتطوع ؟! 

تقدر تتفق مع صاحب المزرعة في البلد اللى عايز تسافر ليها من خلال التواصل أون لاين على موقع المنظمة وتتفقوا سوا على كل الشروط الي بينكم على طبيعة المساعدة وطريقة السفر والتقديم وكل الأوراق المستحقة منك هما بيوفروا عنك عناءها تماماً، كل اللى عليك إنك تفتح الموقع وتختار المزرعة أو البلد اللى نفسك تسافر لها 

أعمال هتقوم بيها 

وللمصداقية هتلاقي على الموقع الأعمال المطلوبة منك في كل مزرعة عشان تقدر تختار من بينهم المناسب ليك، يعنى مثلاً في مزارع هتساعد فيها بقطع الأخشاب هتقوم باعمال الزراعة فيها ­،هتعتني بالحيوانات، بص مفيش حاجة تقدر تشتغلها هناك مش هتعملها.. 

السفر متعة وفيه فوائد كتير، ولكن لو قدامك فرصة إنك تسافر بطريقة التطوع هتعمل كدة ولا هتفكر ألف مرة قبل ما تقدم وتاخد الخطوة ؟؟ 

حملات الـ Brand Attack…هل تتم بالإتفاق سراً بين الشركات؟؟

0

مين فينا مش فاكر شعار شركة “بريل” المشهور “استرجل”؟!

في نفس الوقت ده نزلت شركة “شويبس” حملة تحت شعار “كل غابة وليها ملك.. الفرق واضح”

وكأنهم بيوصلوا رسالة بتقول إن “استرجل” موجه إلى الراجل اللي مش حاسس برجولته، في حين الرجالة بجد هما اللي بيشربوا “شويبس بولد”.

اللي عملته شركة “شويبس”  في شركة بريل بنسميه Brand Attack

الـBrand Attack…قصف الجبهات في البيزنس!!

في وسط المنافسة الشديدة بين البراندات الكبيرة…أوقات كتير فيه برندات بتقصف جبهات براندات تانية وكل واحد فيهم بيحاول يثبت قوته وسيطرته على السوق وبيحاول يقلل من القيمة التسويقية للبراند المنافس وده هو الـBrand Attack

وطبعا ده بيشد فئات كبيرة من الجمهور وغير كده البراند هيستفيد إن حملته التسويقية هتنجح وبتكلفة قليلة لأن الجمهور هو اللي بيبدء يتكلم عن الحملة التسويقية وينشرها في كل مكان ويتعامل معاها على أنها تريند.

“وحرفياً لو استغلت الشركة المنافسة نقطة ضعف للبراند بتاعك هتبقى قادرة تهد اللي اتبني من سنين في يوم واحد.”

هو ده بيحصل بين البرندات الكبيرة بس؟

 لا طبعا ممكن يحصل للشركات المتوسطة وحتي الصغيرة  طالما كنت ناجح في السوق وبتمشي بخطوات كبيرة وسابق منافسيك فاعرف أنك تحت عيون منافسيك وأي خطأ ممكن يصدر منك هينتشر بشكل يدمر سمعتك ويخسرك عملائك.

الـBrand Attack..صدفة!!

البراند أتاك ممكن يكون صدفة أو منظم…

صدفة زي موقف كريستيانو رونالدو في المؤتمر الصحافي لمنافسات “يورو 2020”.. لما وصل كرستيانو وبدأ يجهز نفسه لبداية المؤتمر كان محطوط قدامه زجاجتين من الكوكاكولا وبكل عفوية قام شايلهم من قدامه وحط المياه وقال “Drink Water”…الحركة دي أثرت بالسلب علي شركة كوكاكولا!!!

بعدها نشرت صحيفة “ماركا” الإسبانية، تقرير قالت فيه أنه بعد حوالي نصف ساعة من بداية المؤتمر اللي حصلت فيه اللقطة، انخفض سهم الشركة بنسبة 1.6% في سوق الأسهم، وخلت اسهم كوكاكولا تنزل من 242 مليار دولار إلى 238، ووصلت الخساير إلى 4 مليارات دولار!!!

هل ممكن يكونوا بيتفقوا علي الـBrand Attack؟

99% من حملات الـBrand Attack بتكون مدبرة بين البراندات عشان الكل يستفيد منها وفيه 1% بتكون بتحصل صدفة

أخر مرة شفت فيها إعلان Brand Attack امتي؟ وهل حسيت انهم متفقين؟

موبايل جاي من الفضاء

0

من أيام تم اطلاق iPhone 15 و اللي عشاقه تسابقوا عشان يحجزوه رغم سعره، في الـ Blog دا هنعرف ايه Features iPhone 15 و هل فعلاً في تطور ملحوظ و يستحق السعر و لالا ؟

الموبايل أطلق بإسم The titanium iPhone 15 Pro 

شركة Apple اعتبرته أقوى iPhone تم تصنيعه على الإطلاق، الموبايل اتعمل بتصميم جديد من التيتانيوم المستخدم في صناعة الطائرات يعني أخف طراز أتعمل، ووصفوا معدنة بإنه” وزنة خفيف لدرجة تكفي إنه يطلع الفضاء و متين لدرجة تكفي العودة من الفضاء للأرض ” 

مميزاتiPhone 15

من أهم المميزات اللي بدأوا بيها الـ Launching انهم اهتموا جداً يرفعوا من Performance الـ iPhone 15 Pro من الـ A17 Pro chip، مع وحدة معالجة رسومات جديدة سداسية النواة ومحرك عصبي أسرع.

الموبايل USB – C Connector و سرعة الشحن Super fast.  

الـ Action Button بقي دلوقتي متعدد الاستخدامات و بقي Customized action button عشان يكون أسهل و أسرع انك توصل للـ Feature اللي تحددها من ما تبدأ أول تشغل الكاميرا لحد Shortcut activation.

أما بالنسبة للكاميرا فوصفوها بوجود سبع عدسات احترافية جاهزة للقطة،يتراوح الطول البؤري من 13 ملم في الكاميرا في Ultra Wide lenses.

إلى 120 ملم في الكاميرا المقربة 5x الجديدة على ايفون 15 برو ماكس. 

الكاميرا بلنس كبيرة  – huge telephoto lens 

و الجامد بقى إنها 48-megapixel في الكاميرا الرئيسية يعني بتحقق super-high resolution للصور.

وكمان دلوقتي تقدر تعمل الصورة Portrait بعد التصوير 

ولو جينا في جزء تصوير الفيديو وصناعة الأفلام هنلاقي إن هتقدر دلوقتي تسجيل مباشرة على محرك أقراص خارجي – external drive و كمان iPhone 15 Pro فيه إمكانية التصوير بدقة ProRes 4K بمعدل 60 Frame في الثانية.

اه،  نسيت أقولك إن iPhone 15 , iPhone 15 Plus متوفر بخمس ألوان و iPhone 15 Pro , iPhone 15 Pro Max متوفر بأربع ألوان 

iPhone 15 Pro هو موبايل فعلا ذكي و متميز جداً بيقدم الأفضل من كل الجوانب: معالج قوي، ونظام كاميرا متعدد الاستخدامات، وتصميم متين. 

من رأي دا الموبايل المثالي و لكنة هيفيد فئة محدودة زي البلوجرز و الإنفلوسرز اللاعبين والمصورين والمخرجين السينمائيين. 

بعد كل اللي قولناه قدرت تحدد السعر فعلاً اللي هو بيترواح بين 799$ الي 1199$ مناسب مع الإمكانيات و الـ Value اللي بيقدمة ولالا Overrated ؟ 

اكبر خدعة تسويقية في التاريخ

0

ازاي ريدبول قدرت تنافس الشركات الكبيرة زي كوكاكولا وبيبسي ونزلت بمنتج الناس عمرها ماسمعت عنه ولا عمرها شافته وكمان تبيعه بخمس او ست اضعاف سعر المنافس وتبقي ملهمة لكل رجال الاعمال بسبب تفكيرهم اللي عدي بمنتجهم فعلا وبقت قصتهم بتدرس في كتب التسويق وريادة الاعمال. هل الكذب مبرر للتسويق ؟

تفكير برة الصندوق

في تمانينات القرن ال فات، أول ما دخل ريدبول السوق في لندن. كان تفكيرهم في البداية انهم يستخدموا الأساليب التقليدية في التسويق زي الجرايد والمجلات والراديو والتليفزيون.. إلا ان فريق التسويق كان عنده بعد نظر وكان عنده رأي مختلف انهم يجربوا حاجة جديدة محدش عملها ولا متوقع ان حد يعملها عشان من خلالها يقدروا يقنعوا الناس انهم يجربوا المنتج الجديد دا لأن دايما الطبيعة البشرية بيحبوا يعرفوا ايه اللي بيعمله غيره فلو حصل ان مجموعة من الناس بدأت تشرب مشروب معين دا هيثير الفضول في الناس التانية انهم يجربوهه طالما عددهم كبير.

اي اللي ممكن يحصلك لو وانت ماشي في الشارع في يوم ولقيت ان كل ركن مليان بعلب فاضية لمنتج معين طبعا دا هيثير فضولك وهيخلي عندك رغبة انك عايز تجرب المنتج دا أو انك تناقش الموضوع مع صحابك . دا اللي حصل في لندن وقتها فريق التسويق عمل حملة ضخمة في كل مناطق العاصمة في لندن اللي بيتجمع فيها الشباب لإن بالنسبالهم هي افضل فئة مستهلكة لمشروب الطاقة ريدبول.

وقتها استهدفت خطة التسويق الاماكن القريبة من ال Night clubs والجامعات وأماكن الشغل… وملوا كل ركن فيها بعلب فاضية من الريدبول ومش بس كدا دول عملوا عينات مجانية للناس اللي بتشتغل في ال Night clubs وخاصة اللي شغالين علي ال دي جي لانهم طول الحفلة الشباب باصينلهم وبيرقصوا فطبيعي ان يكون عندهم فضول هي الناس دي بتشرب اي وتاني يوم لقوا كميات كبيرة من العلب الفاضية في النفايات ومن هنا حققوا هدفهم وبدأ الناس يشتروا المنتج ويجربوه وخاصة الشباب وابتدت النوادي الليلة تعتمده من بعد عدد النفايات اللي لاقوها.

وبعد وقت كبير جدا من الخدعة التسويقية دي ريدبول وصلت مبيعاته في انجلترا 3 مليار دولار في السنوات الاخيرة والكتير بينقل قصة نجاح ريدبول علي انها عبقرية تسويق بالرغم من انه تصرف خبيث من وجهة نظري لانه اعتمد علي الكذب.

المبدأ اللي قامت عليه ريدبول !

ريدبول قامت علي مبدا الكذب والخداع لانها قالت ان الناس كلها تستعمل منتجي فعلا – ودي كانت الرسالة اللي عايزين ينقلوها للناس، ونجحوا فيها، لكن هيفضل  السؤال بقى،  هي فعلا رسالة صادقة؟

في الوقت دا لا. لان لما براند كبيرة تكذب في شئ ايه ال هيمنعها انها تكذب في حاجات كتير بعد كدا ؟ لنفترض ان دا امر طبيعي وكتير من البراندات الكبيرة والمشهورة بتعمل كدا.

تخيل انك صحيت يوم لقيت ان كل شوارع مدينتك فيها عبوات فاضية من مشروب معين وانا ولا كلمتك عن فوايده ولا حتي اضراره انه بيسبب مشاكل في القلب او ادمان وكمان قلتلك ان في اطباء بتنصح بيه ؟ هل الكذب في الحالة دي مقبول؟

وفي النهاية,  الكذب عمره ما كان مبرر للتسويق حتي لو كلهم بيكدبوا حتي لو شركة كبيرة ومشهورة خدعت جمهورها وكذبت عليهم عشان تقنعهم بمنتجها لان دايما الكذب عواقبه سيئة. في 2009 هيئة الحفاظ علي البيئة في لندن فرضت علي ريدبول غرامة وصلت ل نص مليون دولار بسبب فشل ريدبول في انها تجمع وتعيد تدوير بقايا منتجها في الشوارع لمدة سنوات كتيرة.

مش مجرد تغليف الموضوع أكبر من كدا

0

لو أنت في Store و قررت تشتري منتجات أنت محتاجها أول حاجة بتلفت نظرك للمنتج و تقرر تشوفة حتي لو مش هتشرية في الأخر هو الـ ” Packaging –  التغليف “أو التعبئة.

في دراسة أكدت إن أكثر من 70% بياخدوا قرار الشراء من الــ First sight يعني خلال انطباعهم الأول عن شكل و الوان و Design غلاف  المنتج حتي لو كان قرار انه يشتري المنتج دا مش أولوية. 

إية اللي يثبت ان ممكن مستهلك يشتري المنتج من شكل الغلاف.

لو العلامة التجارية هي هوية المنتج اللي الناس بتعرفة بيها فخليني أقولك إن التغليف هو أول حاجة عينك بتشوفها لما بتبدأ تتعرف علي المنتج و هي اللي بتثبت في ذاكرتك لو نسيت اسم الـ Brand وقررت تدور علية مرة تانية يعني خلينا نقول إنه الغلاف ممكن يحركك تجاه المنتج أو يبعدك عنه وهو كمان اللي بيوصلك لمرحلة إنك تعرف المنتج حتي لو مش مكتوب علية إسم الشركة.

يعني مثلا خدت وقت قد إية عشان تتعرف علي المنتج دا ؟ 

المنافسة كبيرة وشرسة والبقاء للأقوى٬ كل شركة بتحاول تخلق صوره  للمنتج في ذهن العميل لأنها بتأثر علي الانتباه والتركيز على تفاصيل والشعور بالعلامة التجارية و بتساعد المستهلك على انه يفتكر المنتج و يخلق معه ذكريات كمان و بيزود من الوعي عندهم بالعلامة التجارية وبالتالي بينتج عن كل دا إن التغليف بيخلق تسويق صامت للمنتج. 

إزاي تغليف المنتج بيساعد خطة التسويق؟

علم وفن الـ Packaging مش بس مقتصر علي حفظ المنتج من أي إهلاك و أغراض النقل و التخزين و عرض معلومات عنه ولكنة كمان عليه عامل كبير في خطط التسويق لأي شركة بتصنع المنتجات أو بتوزعها و بتوصلة للفئة المستهدفة حسب ذوقهم و ثقافتهم و سلوكهم الشرائي و كمان بيكمل بناء العلامة التجارية و بيشارك في قوتها و الـ Market Positioning الخاص بيها. 

أهم الـ Brands اللي قدرت تحقق معادلة الـ Packaging

دي براند معجنات أسمها Bangkok Foodie رسالتها هو كربوهيدرات صحية ومش بتزود الوزن٬ انتشرت عبوة المخبوزات دي في تايوان و gone viral  وكانت trend في دول كتير لفترة لأنها و كأنها عضلات بطن حقيقية. 

Burger King 

التصميم هنا اعتمد على اتجاه متأثر بالسبعينات و برجر كينج استخدمه  تحية من القلب لتراثها ٬تغليفها بيشعرك بالبساطة والارتقاء٬ المصمم إستخدم الألوان الدافئة عشان تحس براحة.

أية رأيك في تغليف شاشة LCD لحمايتها ؟

الحقيقة إن دي مش شاشة المنتج دا عجلة بس البراند حبت توصل رسالة إنها إلكترونيك و سمارت. 

هنسيبك إنت المره دي تحلل تغليف المنتج و الرسالة منة !  

متلازمة توريت .. مرض نفسي ولا حالة عصبية ؟! 

0

من فترة وثقت بنوتة مصرية إسمها سلمى معاناتها مع متلازمة توريت واللي تعتبر واحدة من أغرب المتلازمات اللي ممكن تكون سمعت أو هتسمع عنها، وكانت حابة تشارك معاناتها اليومية مع المتلازمة لتوعية المتابعين بالمتلازمة والأعراض الدالة على وجودها ..

ولكن!.. هل المتلازمة حالة عصبية ولا مرض نفسي .. ده اللي هنعرفه في المقال  

متلازمة توريت

 

هي عبارة عن حالة تصيب الجهاز العصبي، وتؤدي إلى تشنجات مفاجئة لاإرادية بتتكون من  حركات أو أصوات يقوم بها المصابون بشكل متكرر، وخلال تلك التشنجات يفقدوا الأشخاص اللي بيعانوا من المتلازمة السيطرة على أجسامهم من القيام بالحركات أو الأصوات دي. 

وفي نوعين من التشنجات المصاحبة لمتلازمة توريت هما: 

  • تشنجات بسيطة:

عبارة عن حركات مفاجئة وقصيرة المدة ومتكررة، منها رمش العين السريع، والشم، وهز الكتفين، وإصدار الأصوات مثل الشخير.

  • تشنجات معقدة:

عبارة عن حركات مميزة ومتناسقة، يتم استخدام مجموعة عديدة من العضلات لأدائها، مثل القفز، أو الدوران، أو لمس الأشياء، وتكرار نطق الكلمات المصطلحات المبهمة.

وطبقا للدراسات فإن 1٪ من الأطفال والمراهقين في سن المدرسة يعانون من متلازمة «توريت» ووفقا للدراسة، فإن لا أسباب دقيقة معروفة عن المتلازمة، ويعتقد أنها تنطوي على مجموعة من العوامل الجينية والبيئية، ولا توجد اختبارات محددة لتشخيص «توريت»، ولا يتم تحديدها بشكل صحيح دائماً، لأن معظم الحالات معتدلة، وتقل شدة التشنجات اللاإرادية لدى معظم الأطفال أثناء مرورهم بفترة المراهقة .. ولكن في الأطباء شخصوا المتلازمة و أوجدوا لها مجموعة أسباب معقدة زي … 

أسباب متلازمة توريت 

متلازمة توريت متلازمة معقدة واللي ممكن ترجع أسبابها إلى وجود مجموعة كبيرة من التشوهات في مناطق مختلفة من الدماغ، والأعصاب المرتبطة بها، وممكن يحصل شذوذ في العقد القاعدية المسؤولة عن التحكم في التصرفات الحركية.

يعني نقدر نقول إن أسباب متلازمة توريت معقدة وغير معروفة تماماً، لكن في بعض النواقل الكيميائية المسؤولة عن نقل الرسائل العصبية في الدماغ تساهم في تطور متلازمة توريت وتصاعد أعراضها زي: 

  • الدوبامين.
  • السيروتونين.
  • النوربينفرين.

بعد ما عرفنا يعنى إيه متلازمة توريت، هل عندك شك إنها تكون من الأمراض الوراثية ؟؟ 

مجموعة من الأطباء النفسيين صرحوا أن العوامل الوراثية ممكن تلعب دوراً في الإصابة بمتلازمة توريت، من خلال وجود خلل جيني يتسبب في حدوثها. 

أعراض متلازمة توريت 

أعراضها بتبدأ من سن صغير في الأطفال حوال من 5 لـ 9 سنوات، وبتكون مختلفة من حالة للتانية وبتكون عبارة عن: 

  • ترميش العينين.
  • دوران العينين.
  • حركات عضلات الوجه.
  • حركة الاستنشاق ونحنحة الحنجرة.
  • هز الأكتاف.
  • القفز.
  • الدوران.
  • لمس الأشياء والأشخاص باستمرار.
  • التكشير وعبوس الوجه.
  • اهتزاز الرأس أو الأطراف.
  • الشخير.
  • الغرغرة.
  • السعال.
  • الصفير.
  • إصدار أصوات تقليد الحيوانات.
  • النقر باللسان.

دكتورة نفسية ” مريض متلازمة توريت لا يعالج فقط طمأنه ” 

في حوار تم نشره في مجلة عكاذ مع مجموعة من الأطباء النفسيين قالوا إن متلازمة توريت ليس لها دواء أو عقاقير معينة تساعد المريض في التحكم في التشنجات اللي بيمر بيها، و أن المريض بيتحسن أكتر لما يتعالج عن طريق الجلسات سلوكية والنفسية لتحفيز وعى المريض على إدارة التشنجات وتقبلها لتخفيف الأعراض الجانبية النفسية اللي بتصيبهم نتيجة شعورهم بالاختلاف والخوف من التجمعات.

بعد السرد التفصيلي لمتلازمة توريت نقدر نقول إنها حالة عصبية فعلاً وليست مرض نفسي، ولكن تفتكر هل ممكن يكون ليها علاج قاطع زي التدخل الجراحي مثلاً لعلاج التشوه المنتشر في مناطق كثيرة من الدماغ والسيطرة على التشنجات اللى بتفرضها على المريض ؟؟