اخر الاضافات

هي فعلاً أطباق طايرة ولا مجرد جن وشياطين؟!

بعد وقت كبير من الإنكار والسخرية علي كل اللي...

حقيقة الكائن اللي كلم نورا في التليفون؟!

تخيل معايا لو أنت واقف في وسط مجموعة من...

أغرب نظرية عن مثلث برمودا!!

يوم 5 ديسمبر سنة 1945 جت رسالة استغاثة غريبة...

التصفح السلبي…ازاي تتخلص منه!!

في الكام يوم اللي فاتوا كلنا كنا ومازلنا عايشن...

غرائب وعجائب جزيرة القيامة

سمعت عن أغرب جزيرة في العالم؟…موجود عليها 887 تمثال...

ليه مؤشرات الأداء الرئيسية KPIS مهمة لنمو البيزنس بتاعك 

- Advertisement -

كتير من الـ Business owner بيكونوا متخيلين إن أول ما يبدأ الـ business بتاعه هيحقق أرباح خزعبلية من تاني يوم الصبح، متانسي بقى فكرة وجود قياسات وأرقام تساعده في تطوير شغله وتأكد له إنه ماشي في طريق صح ونهايته قوية.. 

مؤشرات الأداء KPI 

في الاول تعالى نتعرف يعنى إيه مؤشرات الأداء الرئيسية ؟! هي عبارة عن القياسات الكمية والمحددة واللى بتساعد في تقييم أداء عملك وفهم مدى تحقيقك لأهدافك الاستراتيجية الخاصة بالبيزنيس الخاص بيك. 

علاقة الـ KPIs بنمو البيزنيس 

في بداية أي بيزنس جديد بعد دراسة السوق وتحديد السوق المستهدف، بيجي دور الإستراتيجية، اللي فيها بنحدد هنشتغل على إيه وإزاي وهنحقق من وراها إيه، وفي نهاية الإستراتيجية دي بيكون ليها kpi ودي اللي بنقدر من خلالها نعرف الإستراتيجية دي صحيحة ومناسبة لأهداف البيزنس ولا عليها تعديلات ولا مش هتنفع و و هيتغير خالص .. 

طب تعالى نتعرف على أهم الأسباب اللي بتخلي مؤشرات الأداء الرئيسية مهمة لنمو البيزنس 

- Advertisement -

توجيه الاستراتيجية: 

ببساطة الـ KPI هي زي الـ Compass بالظبط هتحدد لك العناصر الرئيسية المفروض تركز عليها والأولويات الخاصة بـ البزنس وكمان توجيه مواردك بشكل مناسب عشان تحقق هدفك. 

قياس الأداء: 

مرحلة قياس الأداء من المراحل اللى تعرفك بالظبط نتيجة شغلك إيه، ماشي ناحية تحقيق هدفك ولا لاءه، وغير إنها بتعرفك على عدد مبيعاتك، ايراداتك ونسبة العملاء المرتدة ووقت التسليم، وغيرها من العوامل اللي بتوضحلك أداء عملك. 

رصد التطور:

بتساعدك في رصد تطور شغلك، وتقدر تقارن البيانات ببعضها عشان تقدر تحدد إذا كنت بتحقق تقدم فعلاً ولا محتاج تعديلات، وخليني أقولك إنك لو مش بتقيس ولا ترصد، فقد تجد صعوبة في تحديد ما إذا كانت جهودك تسفر عن نتائج إيجابية أم لا.

- Advertisement -

اتخاذ القرارات الاستراتيجية: 

ممكن تستخدم مؤشرات الأداء الرئيسية في اتخاذ القرارات الإستراتيجية الخاصة بـ البزنس بتاعك، لأن مع كل مرة بتراقب فيها تطور أداء العمل، وتحلل البيانات الخاصة بالمؤشرات هتقدر تحدد مواطن الضعف والقوة بتاعتك، وده بالظبط اللي بيساعد تاخد قرارات بتحسين الاستراتيجية الخاصة بك في اتجاه تحقيق الهدف الرئيسي منها. 

تحفيز الفريق: 

تعتبر أداة فعالة في تحفيز فريق العمل وتشجيعهم لتحقيق الأهداف الخاصة بالبيزنس، من خلال مشاركة نتائج الشغل ومدى تطوره. 

اكتشاف الفرص وتحديد التحديات: 

من خلال تحليل مؤشرات الأداء الرئيسية، هتقدر تكتشف الفرص الجديدة وتحدد التحديات اللي ممكن تواجهها، فمثلاً لو شايف تطور ملحوظ في عدد المبيعات في فترة زمنية معينة، فإنت كدة بتكون عارف إيه الإستراتيجية اللي وصلتك للزيادة دي وبالتالي تقدر تركز عليها فترة ، وفي حالة كان في تراجعات في مؤشرات معينة، هتقدر توصل لأسبابها وتشتغل عليها، وفي كلتا الحالتين أنت مستفيد. 

- Advertisement -

باختصار .. 

مؤشرات الأداء الرئيسية هي أداة قوية لقياس وتحليل أداء عملك وتوجيه استراتيجيتك. تساعدك في رصد التطور واتخاذ القرارات الاستراتيجية وتحفيز فريق العمل. كما تمكنك من اكتشاف الفرص وتحديد التحديات. استخدم مؤشرات الأداء الرئيسية بشكل فعال، و ستساعدك في تحقيق نجاح ونمو مستدام لعملك.

- Advertisement -

مقالات تانية