ممكن تكون سمعت عن النظرية اللي بتقول: “لو بصيت على ساعة رقمية وشفت أرقام متشابهة، ده ممكن يعني إن حاجة حلوة هتحصل، أو إن حد بتحبه بيفكر فيك، أو إنك محظوظ !!!”..

 وفي بعض الأحيان ممكن تكون مش مصدق، لكن الحقيقة إن بعض الأرقام ممكن تكون ليها دلالة، خصوصًا لو تكررت كذا مرة..

 مثلاً، لو شفتِ الساعة (11:11) كتير، أو الرقم ده بيظهر بانتظام في حياتك، ده ممكن يكون ليه معنى خاص..

حسب علماء الأعداد، كل واحد منا عنده أرقام بتلعب دور في حياته، زي رقم “مسار الحياة” و”أرقام الملائكة”، وهي الأرقام اللي بتتكرر زي (1111) أو (333)، وبيعتقدوا إن لها أهمية روحية خاصة للي بيشوفوها..

 يعني، ممكن يكون الرقم الروحاني (11:11) رسالة قوية ليكِ..

 كمان من المهم تعرفي إن علم الأعداد بيهتم بدراسة الأرقام وتأثيرها في حياتكِ الشخصية..

معنى الرقم (11:11)

بما إن الرقم ده هو تكرار للرقم واحد، فمن الطبيعي نبدأ بيه..

وبسبب تكرار الرقم واحد، فهو يجمع طاقات كتير مختلفة..

 في علم الأعداد، الرقم (11) يعتبر من الأرقام الرئيسية، وكمان هو رقم الحدس والإلهام، وغالبًا بيكون مرتبط بـ الإرشاد الروحي..

 الرقم ده بيساعدنا على تنقية مشاعرنا، ورفع معنوياتنا وقت الأزمات، وكمان بيساعد في التحول الروحي..

علماء الأعداد بيضربوا مثال على كده لما يقولوا إنه في الساعة 11:11 من اليوم 11 من الشهر 11 سنة 1918، توقف القتال في الحرب العالمية الأولى رسميًا، بعد ما ألمانيا وقعت اتفاقية هدنة مع الحلفاء قبلها بوقت..

 يعني تكرار الرقم واحد في التاريخ والوقت ده كان بمثابة توجيه للحكمة والطاقة التحولية..

فلو كنتِ بتمرّي بتغيير في حياتك ولاحظتِ ظهور الرقم (11:11)، ده ممكن يكون دلالة قوية على إنكِ على الطريق الصحيح..

أما بالنسبة للناس اللي بيؤمنوا بالماورائيات، بيقولوا إن الرقم (11:11)، اللي وصفوه بأنه رقم “ملاك أرضي”، كل دوره هو رفع مستوى الوعي البشري واستعادة الشعور بالانسجام مع الكون..

عقدة التكرار

في علم النفس، الموضوع يتفسر على إن عقلك يركز على حاجة واحدة في كل مرة، ولما تشوفي الرقم ده بشكل متكرر في أكتر من مكان، هتبدئي تلاحظه بشكل غير شعوري..

اسم الظاهرة دي هو “عقدة التكرار”، ودي بتحصل لما تلاحظي حاجة معينة وتركزي عليها، فتلاقي فجأة إن كل اللي حواليك بيتكلموا عنها..

كمان علماء النفس بيطلقوا على رؤية الأرقام المتكررة “الانتباه الانتقائي” أو “التحيز التأكيدي”.

ايه السر في السّاعة 11:11 ؟

دي مجرد أرقام حطّوا فيها آمالهم وأحلامهم اللي مش هتتحقق..

لما ييجي الوقت ده، هتلاقي آلاف الناس بتتمنى الأمنية اللي تمنوها طول الأسبوع ومتحققتش لسه! لكنهم مصممين على التمسك بحاجة مش منطقية..

بعيداً عن هوس الناس بالزمن والأرقام والساعات، وبعيداً عن إيمانهم بالمعجزات والأساطير والخرافات، الحقيقة من وجهة نظرهم إنهم عايشين على الأمل!

التوقيت ده يعتبر عامل إضافي في اعتقادنا ممكن يزود فرصة تحقق اللي تتمنوه..

 ورغم إننا بتمنا أمنياتنا نفسها من زمان ولسه محصلش أي حاجة، إلا إني لسه مؤمنة بخرافة 11:11 .. ! 

ولسه بنتمني نفس الأمنية علي أمل في تحقيقها بنفس الإيمان والثقة في كل مرة بفضل التوقيت ده، حتى لو بعد فترة..

هل (11:11) هو شرك بالله ؟

الحقيقة إن الرقم (1) بيمثل الله الواحد الأحد، ملك الكون اللي ملوش شريك، واللي ليه الملك وعالِم بكل حاجة. الرقم ده مش ممكن تستخدمه لنفسك من غير إذن وشروط، لأنه رقم خاص بالله..

لكن لما يتكرر الرقم لحد (11)، ده بيشير للشريك في الملك وكفر بوحدانية الله، وبيكون رمز لقرني الشيطان..

الرقم (111) بيمثل الثالوث في الحضارات القديمة، زي أمون وحورس وأوزوريس، وده كان رمز للعبادة في المعابد القديمة..

أما الرقم (1111)، فهو يرمز للقدر، زي الزوج والفرد، أو الماء والنار، أو الجنة والنار..

ده رقم لتحديد المصير والاتجاه، وإنذار مبكر..

ده مش عيد السناجل، لكنه عيد تحديد المصير. الرسائل اللي بيوصلها الرقم ده موجودة في علم الطاقة، ويجب تكون حذر لما تشوفيه في حياتك، وحاول تطلع بأفعالك لدرجة عالية عشان تكتب لك النجاح..

انت بقي تفتكر ان 11:11 دي فعلا شرك بالله ولا دي مجرد ارقام الناس بتحط عليها أمالهم على أمل انها تتحقق ؟؟!!!!!