كتير مننا شارك في ذكريات طفولته سلسلة أفلام هاري بوتر، و كتير من المشاهد أثرت فينا و لمست شعورنا وعمرنا ما نسيناها، و لحد النهارده لما بتعدي من قدامنا المشاهد دي بتتحرك جوانا نفس المشاعر.
و بنفس التأثير هي الأماكن اللي اتصور فيها سلسلة هاري بوتر٬ الأماكن دي اختاروها بأدق تفاصيل عمرها ما تيجي في بالك لحد ما طلع لينا بالشكل اللي مستحيل متنبهرش بيه.
مدرسة هوجورتس:
الـ Masterpiece مدرسة هوجورتس اللي تقريباً حافظين كل ركن، خلونا نعرف قصته.
المدرسة دي لحد النهاردة هي أسطورة فنيه محصلتش ولا هتحصل، المكان دا في الأساس هو قلعة Enik موجودة في اسكتلندا و اللي كان بيتصور فيها المشاهد اللي في حديقة المدرسة زي تعليم طلاب هوجورتس الطيران على عصاية المكنسة ، و لعبة كويدتش ٬ولكن الحقيقة أن التصوير في مدرسة هوجورتس مكنش في مكان واحد هو كان بيضم مواقع كتير زي تصوير المشاهد الداخلية في جامعة أكسفورد في إنجلترا اتصور فيها معظم المشاهد من حياة السحرة و هما صغيرين.
قاعة طعام هوجورتس:
٬أما قاعة الطعام اللي بيحصل فيها معظم المشاهد المهمة كانت في قاعة طعام كنيسة المسيح.
مكتبة هوجورتس:
نيجي بقي للمكتبه٬ هي في الأصل كانت مكتبة بودليان في جامعة أكسفورد في إنجلترا.
الممرات و السلالم:
أما الممرات اللي اتصور فيها أجزاء كتير زي Troll and Haunted Scenes، Gryffindor Living Room Secret Door هي واحدة من أجمل الكاتدرائيات في إنجلترا – كاتدرائية جلوستر.
1 سبتمبر بدأ العام الدراسي في هوجورتس:
ولما نقول 1 سبتمبر بيجي في بالنا فوراً ان العام الدراسي في هوجورتس هيبدأ و بيتقابلوا في محطة القطر.
المشاهد كانت بتتصور في محطة هوجسميد – Hogsmeade المكان اللي بيتجمع فيه طلاب مدرسة السحر بالقطار قبل ما يوصولوا لهوجورتس نفسها.
أما محطة كينجز كروس – King’s Cross بالفعل موجوة في لندن و اللي كان بيتصور فيها السحرة الصغيرين و فيه فعلاً المنصة 9 ولو دخلتها دلوقتي عند مدخل المنصات 9 و 10 و 11 ، هتقدر تشوف عربية نصها مختفي في الحائط ، وعلامة “المنصة 9 ¾”.
وعشان يبدأوا العام الدراسي طبعاً لازم يشتروا طلبات المدرسة ودي كانت بتبقي من سوق لندن نهال DiagonAlley في سوق Linden Hall وهو كان في الحقيقة محل بصاريات.
أنصحكم برحلة سياحة لأماكن التصوير و المزار السياحي لـ Harry potter في بريطانيا لأنها مميزة و متأكدين إنك هتستمتع بيها.
