كلنا بيجي علينا وقت بنصحي مقررين اننا مش هنروح الشغل وبكل بساطة بنفضل اننا ننام في السرير…سألت نفسك عن السبب!!
ايه هي متلازمة الإستقالة؟
متلازمة الاستقالة، دي حالة نفسية بتبقى فيها الناس محبطة من الشغل.
الواحد بيحس بالإحباط في الشغل، وبيكون مش عاجبه ومش مرتاح فيه…بيحس بالإرهاق النفسي والجسدي، وده بيأثر على أدائه وتركيزه و بيبقى متضايق ومش مرتاح ومتوتر.
سبب المتلازمة
المتلازمة دي بتيجي بعد فترة طويلة من الشغل المتواصل والتعب.
السبب ممكن يكون ضغوط الشغل المستمرة، وعدم التقدير، وعدم وجود فرص تطوير وترقية. والمتلازمة دي بتأثر على حياته الشخصية وبتخليه يفقد الثقة في نفسه ويحس بالإحباط الشديد.
علاج متلازمة الاستقالة
خليني أقولك علي شوية نصايح هتخليك تقوم وتقاوم متلازمة الإستقالة:
- خد وقت لنفسك: ابعد عن الشغل وخد وقتك الخاص للراحة والاسترخاء. حاول تمارس الأنشطة اللي بتحبها وبتستمتع بيها برا بيئة الشغل.
- حاول تحقق توازن بين الشغل والحياة الشخصية: مش تمام أن الشغل يستولي على حياتك كلها. حاول توزع وقتك بين الشغل والعائلة والأصحاب والهوايات اللي بتحبها.
- تعلم إدارة الضغوط: حاول تتعلم طرق لإدارة الضغوط في الشغل، زي تحديد الأولويات وتنظيم المهام وتقسيم المهام الكبيرة لمهام صغيرة أسهل.
- اعرف ان صحتك النفسية مهمة: خد بالك من صحتك النفسية بممارسة الرياضة وتناول طعام صحي وتأمل أو استرخاء لتهدئة العقل وتقليل التوتر.
- التواصل والدعم: حاول تتواصل مع الزملاء والأصدقاء والعائلة واطلب الدعم منهم. ممكن تستفيد من مجموعات الدعم أو تطلب نصيحة من مستشار متخصص.
- دور عن تحديات جديدة: جرب تبحث عن تحديات جديدة في الشغل، زي اكتساب مهارات جديدة أو المشاركة في مشروعات جديدة. ده ممكن يعيد الحماس والشغف لحياتك المهنية.
من الآخر
بإختصار وعشان مطولش عليك متلازمة الإستقالة مش مجرد حجة بالعكس هي مشكلة حقيقية المفروض اننا نتعامل معاها بجدية اكتر؛ لأن لما نتعامل معاها صح ونعالجها هنزيد من إنتاجية الموظف….
