إمبوكس.. اللي كان معروف قبل كده بجدري القرود، هو مرض فيروسي بيسببه فيروس جدري القرود، وهو نوع من الفيروسات الجدرية..
إمبوكس.. هو مرض معدي ممكن أن يسبب طفح جلدي مؤلم، وتورم في الغدد الليمفاوية، مع حمى وصداع وآلام في العضلات والظهر والشعور بالوهن..
معظم الناس بيتعافوا منه تمامًا، لكن في بعض الحالات الناس بيصابوا بأعراض شديدة.
فيروس جدري القرود
المرض ده فيروس مغلف بيحتوي على حمض نووي مزدوج، وبيجي من جنس الفيروسات الجدرية، اللي منها الجدري و جدري البقر والوقس وفيروسات تانية..
فيه نوعين مختلفين من الفيروس: النوع الأول (1 أ و 1 ب) والنوع التاني (2 أ و2 ب).
الانتشار العالمي للنوع 2 ب بدأ في 2022 و لسه مستمر لحد دلوقتي في بعض دول إفريقيا..
جمهورية الكونغو الديمقراطية ودول تانية في إفريقيا متأثرة كمان بالتفشي المتزايد للنوعين 1 أ و 1 ب..
ولغاية أغسطس 2024، تم اكتشاف النوع 1 ب برا إفريقيا.
مش معروف بالظبط المستودع الطبيعي للفيروس، لكن ممكن يكون موجود في حيوانات زي السناجب والقردة..
ازاي العدوى بتنتقل؟
“الفيروس ده بينتقل من شخص للتاني بشكل أساسي وده عن طريق الاختلاط المباشر مع شخص مصاب، زي أفراد الأسرة اللي عايشين مع بعض..
الاختلاط ده ممكن يكون عن طريق ملامسة الجلد أو ملامسة الفم للفم أو الفم للجلد..
كمان ممكن يحصل من الاختلاط وجه لوجه مع شخص مصاب (زي الكلام أو التنفس جنب بعض واللي ممكن ينقل رذاذ معدي)..
الناس اللي عندهم شركاء جنسيين كتير بيكونوا معرضين أكتر للإصابة بـجدري القرود..
ممكن كمان الناس يتصابوا بإمبوكس من حاجات ملوثة زي الهدوم أو المفروشات، أو عن طريق الإصابة بإبرة في المستشفيات أو في أماكن زي صالونات التاتو.
الفيروس ممكن ينتقل للجنين أثناء الحمل أو الولادة، وده ممكن يعرض الجنين أو المولود للخطر، وقد يؤدي للإجهاض، أو وفاة الجنين أو المولود، أو مضاعفات للأم..
إمبوكس بينتقل من الحيوانات للبشر عن طريق الحيوانات المصابة، سواء عن طريق العض أو الخدوش، أو من خلال أنشطة زي الصيد، أو السلخ، أو الطهي، أو التعامل مع الحيوانات الميتة..
لحد دلوقتي، مش معروف الحيوان اللي بيخزن الفيروس، وفي أبحاث لسه شغالة عشان نفهم أكتر..
والعالم في احتياج انه يعمل أبحاث زيادة عن انتشار الفيروس في أماكن وظروف مختلفة أثناء تفشي المرض.”
فيروس جدري القرود مصنع !!
“نفى صحة الكلام اللي بيتقال عن تصنيع فيروس جدري القرود في المعامل، أو إنه بسبب التغيرات المناخية والاحتباس الحراري..
خبير في الصحة العالمية وضّح إن الفيروس اكتُشف لأول مرة سنة 1970، وده بيخلي من الصعب جدًا نصدق إنه مصنع في المعامل..
وقال إن فيه نوعين من جدري القرود، الأول ظهر سنة 2022 وكان بينتشر أكتر بين الرجالة، أما النوع التاني فظهر في 2024.”
أعراض جدري القرود
إمبوكس بتسبب علامات وأعراض وغالبًا العلامات دي بتظهر خلال أسبوع، بس ممكن تظهر كمان من يوم واحد لحد 21 يوم بعد ما تتعرض للفيروس..
الأعراض غالبًا بتستمر من أسبوعين لـــحد 4 أسابيع، لكن ممكن تطول أكتر لو الشخص عنده ضعف في جهاز المناعة..
الأعراض الشائعة لإمبوكس بتشمل:
- الطفح الجلدي.
- الحمى.
- التهاب الحلق.
- الصداع.
- آلام العضلات.
- آلام الظهر.
- التعب.
- تورم الغدد الليمفاوية.
وفي بعض الناس، الطفح الجلدي بيكون أول عرض، بينما في ناس تانية ممكن تبدأ بالحمى وآلام العضلات والتهاب الحلق..
عادةً الطفح الجلدي لإمبوكس بيبدأ يظهر على الوجه ويمتد لكل مناطق الجسم، وبعدين ينتقل لراحة اليدين وباطن القدمين..
كمان ممكن يبدأ في أماكن تانية من الجسم اللي اتعرضت للفيروس، زي الأعضاء التناسلية..
الطفح بيبدأ على شكل قرحة مسطحة وبعدين بتتحول لنفطة مليانة سائل ممكن تسبب حكة أو تكون مؤلمة..
ولما الطفح يشفى، الآفات دي بتنشف وبتقشر وبعدين بتقع.
كلاكيت تاني مرة
تفتكر ان السيناريو بيتكرر !
تفتكر ان دي كورونا بس الجزء الثاني؟
وان القصة هي هي بتتعاد !!
مرض بينتشر فجأة.. وبيبقي وباء..
ومع الوقت بيكتشف ان دا فيروس مُصنع وتم إطلاقه في الهواء من إحدي الدول بشكل متعمد جدًا..
وفي الآخر بقي تفتكر ان دي الجولة التانية من المليار الذهبي ..
وان الماتش لسه شغال..!!
