- Advertisement -
في الكام يوم اللي فاتوا كلنا كنا ومازلنا عايشن علي أخبار مؤلمة وحزينة من الحرب علي فلسطين سواء من التليفزيون أو السوشيال ميديا وده ممكن يعرضنا للـDoomScrolling “التصفح السلبي”…
يعني ايه الـDoomscrolling ؟
التصفح السلبي ده بيحصلك لما بتقضي وقت طويل علي الأنترنت بتابع أخبار مأساوية…الأخبار دي بتأثر لا إرادياً علي صحتك النفسية والجسدية!
- Advertisement -
التصفح السلبي بيخليك كمان تركز على المشاكل والحاجات السلبية، وده بيأثر على التفاؤل والشوية الإيجابية اللي في حياتك. كمان ممكن يزود القلق والتوتر عندك، ويقلل من رغبتك تقابل الناس وتشارك في الأنشطة الاجتماعية.
نتعامل مع الـDoomscrolling ازاي؟
في شوية حاجات تقدر تعملها تخفف من حدة الموضوع زي:
- انت ممكن تاخد Break من وقت للتاني من متابعة الأخبار بحيث تهدي أعصابك ودماغك
- شوف تقدر تعمل ايه إيجابي إتجاه القضية اللي بتابعها زي أنك تتبرع بالدم أو التطوع في الهلال الأحمر..
- حاول تتكلم عن مشاعرك مع حد قريب ليك أو انت عمتا حاسس بايه الفترة دي…
- اعمل أي نشاط جديد أو أي حاجة بتحبها بحيث متبقاش متابعة الأخبار هي الحاجة الوحيدة اللي بتعملها في يومك!
ومش معني أنك بتفصل شوية أنك متجاهل القضية الحالية…انت بس بتحاول تتعامل بإتزان مع صحتك النفسية!!
- Advertisement -
