أشهر مخرج في العالم وقبل ما يكون مخرج فهو مخترع و اللي أتشهر بالجنون والتصرفات الغريبة لكن الأهم إنه صاحب أهم رحلات استكشافية.
الأفلام اللي صنعها كلها كانت أفكار سيناريوهات أبهرت العالم; ولكن المبهر أكتر القصة ورا كل فيلم فيهم.
مصدر إلهام “James Francis”
بيقال إن معظم أفلامه كانت أفكار بتيجي من أحلامة وهو نايم زي فيلم The Terminator حلم بهيكل معدني بيخرج من انفجار و بيزحف علي الأرض بس الحلم معداش عادي كدا وقرر يخليه حقيقة.
غير فيلم أفتار اللي جزء كبير منه بردو كان حلم شافة وهو عندة ١٨ سنة كان بيحلم بغابة الأشجار فيها متشابكة وفروعها بتنور وكان في الغابة دي كائنات فضائية لونها أزرق و بعد كدا بدأ يرسم المشاهد دي علي ورق.
مغامرات إكتشاف و تصوير Titanic
المخرج جيمس كاميرون مخرج فيلم Titanic الغني عن التعريف، واللي كان السبب الحقيقي ورا فيلم Titanic إن المخرج جيمس كان عايز يستشكف المحيط و يشوف السفينة الحقيقة وهي غرقانة.
يعتبر معظم سيناريو و حوارات الفيلم ألفها وهو في أعماق المحيط بيتفرج علي Titanic الحقيقة.
اختراعات “James Francis”
جيمس بسبب حبة للمغامرة و أفقة و خيالة الواسع اخترع معدات كانت بتساعده في شغلة يعني مثلاً في فيلم The Abyss اخد براءة إختراع لجهاز بيتحكم في الحركة تحت المياه عشان تساعد المصورين يتحركوا بسهولة تحت المياة.
و من أعظم الاختراعات دي كانت الغواصة اللي صممها تقدر تتحمل الضغط العالي و استخدمها في ٢٠١٢ عشان يعمل رحلة لخندق ماريانا البحري و اللي هي بالمناسبة أعمق نقطة علي كوكب الأرض.
جميس كاميرون في لوكيشن التصوير :
كاميرون كان دايماً بيوصفوه طاقم العمل بأنه “مجنون” وكان معروف عنه إنه طباعه حاده و صعبه في المعاملة مع فريقة وهو كان معترف بكدا وكان دائماً يفتعل مشاكل مع طاقم العمل و بيعترض طوال الوقت علي حاجات المفروض إنها طبيعة٬ زي مثلا إنه في وقت تصويرمشهد مهم في فيلم تايتنك قال للمثلين إن مفيش إستراحة واللي محتاج يدخل الحمام عنده خزان المياه اللي بيصوروا فيه و Kate winslet بعد فيلم تايتنك قررت إنها مش هتشتغل معاه تاني.
و في فيلم Phiranna طرد مؤلف الفيلم من اللوكيشن و عمل مشاكل عنيفة مع الإنتاج والمونتاج عشان كان عايز يمنتج الفيلم بطريقتة.
و في تصوير فيلم Avatar يقال انه لو في موبايل رن كان ممكن يكسر الموبايل.
جيمس في كل فيلم كان بيصمم علي تصوير مشاهد فيها خطر علي حياة الفريق و بالذات المصورين و كان معظم الوقت بيقرر يصورها بنفسة
في فيلم The Terminator مشهد الطيارة وهي بتعدي من تحت الجسر المشهد دا في الطبيعي إنه يتعمل بمؤثرات بصرية ولكنه هنا قرر إنه يعمل المشهد حقيقي عشان يبان واقعي أكتر و يحقق متعة المشاهد٬ ولكن فريق التصوير رفض تصوير المشهد لأنه خطر بس هو صمم يصورة بنفسة٬ ونفس السيناريو حصل في فيلم True Lies.
و لكن مفيش رأين يختلفوا ان كاميرون مخرج عظيم و ولا مرة نظريته خابت غير إن اختراعاته بتفيد صناع السينما لكن يومنا دلوقتي، و كانت السينما هتخسر أعمالة لو مكنتش طلعت للنور.
